فائرنگ سے پی ٹی آئی رہنما حلیم عادل شیخ کا ڈرائیور جاں بحق

کراچی: سپرہائی وے پر فائرنگ سے پی ٹی آئی رہنما حلیم عادل شیخ کا ڈرائیور جاں بحق ہوگیا۔

باغی ٹی وی : ریسکیو حکام کے مطابق فائرنگ کا واقعہ سپرہائی وے چاکر ہوٹل آکا خیل گراؤنڈ کے قریب پیش آیا،فائرنگ سے ہلاک شخص کی شناخت 45 سالہ شاہ نواز کے نام سے کی گئی، لاش قانونی کارروائی کے لیے عباسی شہید اسپتال منتقل کی گئی۔

پولیس کے مطابق مقتول شاہ نواز پی ٹی آئی رہنما حلیم عادل شیخ کا ڈرائیور اور جنجال گوٹھ کا رہائشی ہے، مقتول صبح چار بجے گھر سے نکلا اور صبح 6 بج کر 50 منٹ پر لاش سڑک کنارے سے ملی شبہ ہے مقتول کو نامعلوم مسلح ملزمان نے کسی اور مقام پر قتل کیا اور لاش سپرہائی وے چاکر ہوٹل آکا خیل گراؤنڈ کے قریب پھینک کر فرار ہوئے بظاہر مقتول کو جسم پردو گولیاں مار کر قتل کیا گیا، واقعے کی مزید تفتیش کی جا رہی ہے۔

امریکا : مختلف ریاستوں میں انتخابی حکام کو مشتبہ پیکٹ موصول

سی ٹی ڈی کی کارروائی،لاہور میں دہشتگردی کا بڑا منصوبہ ناکام بنا دیا

پی ٹی آئی رہنما حلیم عادل شیخ کا کہنا ہے کہ واقعہ افسوسناک ہے، پولیس میرٹ پر تحقیقات کرے اور ملزمان کو کیفر کردار تک پہنچائے، کسی بھی انسانی جان کا نقصان قابل مذمت ہے۔ مقتول شاہنواز کے لواحقین اور پولیس سے رابطے میں ہوں، معاملے کے حقائق سامنے آنے چاہیئیں۔

مقتول کے بیٹے کا کہنا تھا کہ والد کی کسی سے دشمنی نہیں تھی البتہ گزشتہ روز والد کو ڈاکوؤں نے لوٹنے کی کوشش کی تھی، ہم 6 بہن بھائی ہیں۔

روس کسی بھی وقت جوہری تجربات دوبارہ شروع کرنے کے لیے تیار