سیالکوٹ (باغی ٹی وی بیوروچیف شاہدریاض) سیالکوٹ کے علاقے کوٹلی لوہاراں میں نامعلوم ڈاکوؤں نے ایک شہری کو فائرنگ کرکے زخمی کردیا۔
تفصیلات کے مطابق دو ڈاکو موٹر سائیکل پر سوار ہو کر آئے اور ایک گھر میں ڈکیتی کی کوشش کی۔ گھر والے جب مزاحمت کرنے آئے تو ڈاکوؤں نے ان پر فائرنگ کردی جس سے 64 سالہ ملک سرور شدید زخمی ہوگئے۔
واقعہ کی اطلاع ملتے ہی ڈی پی او سیالکوٹ رانا عمر فاروق نے فوری طور پر علامہ اقبال ہسپتال پہنچ کر زخمی کو دیکھا اور ان کے لواحقین سے اظہار ہمدردی کیا۔ ڈی پی او نے ملزمان کی گرفتاری کے لیے ضلع بھر میں ناکہ بندی کے احکامات جاری کردیے ہیں اور خصوصی ٹیمیں تشکیل دے کر ملزمان کی تلاش شروع کردی ہے۔
پولیس کا کہنا ہے کہ وہ اس واقعے کو انتہائی سنجیدگی سے لے رہی ہے اور جلد از جلد ملزمان کو گرفتار کرکے قانون کے مطابق کارروائی عمل میں لائی جائے گی۔
