لیہ (باغی ٹی وی ،نامہ نگار) تیز رفتار بس ٹریکٹر ٹرالی کوٹکر، 3 افراد جاں بحق، 15 زخمی
تفصیل کے مطابق راولپنڈی سے ڈیرہ غازی خان جانے والی رانا جہانزیب ٹرانسپورٹ کی بس کو لیہ میں خوفناک حادثہ پیش آیا۔ حادثہ اس وقت پیش آیا جب تیز رفتار بس کوٹ ادو روڈ پر کوٹھی قریشی کے نزدیک ٹریکٹر ٹرالی سے ٹکرا گئی۔
ریسکیو ذرائع کے مطابق، حادثے میں 3 افراد جاں بحق ہو گئے جبکہ 15 افراد شدید زخمی ہوئے۔ ریسکیو 1122 لیہ کی ٹیموں نے فوری طور پر موقع پر پہنچ کر زخمیوں کو طبی امداد فراہم کی اور انہیں قریبی ہسپتال منتقل کر دیا۔ زخمیوں میں سے بعض کی حالت تشویشناک بتائی جا رہی ہے۔
پولیس نے حادثے کی تحقیقات شروع کر دی ہیں جبکہ جاں بحق ہونے والے افراد کی شناخت کا عمل جاری ہے۔
