وزیرِاعلیٰ پنجاب مریم نواز شریف کی زیرِ صدارت خصوصی اجلاس ہوا
پنجاب انفورسمنٹ ریگولیٹری اتھارٹی کے قیام پر پیشرفت کے بارے میں تفصیلی بریفنگ دی گئی، وزیرِاعلیٰ مریم نواز شریف نے انفورسمنٹ ریگولیٹری اتھارٹی کے قیام کیلئے قانونی کارروائی جلد از جلد مکمل کرنے کا حکم دیا، بریفنگ میں بتایا گیا کہ صوبائی، ڈویژنل، ڈسٹرکٹ اور تحصیل کی سطح پر پنجاب انفورسمنٹ ریگولیٹری اتھارٹیز قائم ہوں گی۔ہر ضلع میں ڈسٹرکٹ انفورسمنٹ ریگولیٹری بورڈ بنے گا۔تحصیل کی سطح پر سب ڈویژنل انفورسمنٹ آفیسر قانون کے نفاذ کو یقینی بنائے گا۔ہیرنگ آفیسر تحصیل کی سطح پر اپیل سن کر فیصلہ دے گا۔پنجاب انفورسمنٹ ریگولیٹری اتھارٹی مہنگائی کے خاتمے کیلئے موثر کردار ادا کرے گی۔ تحصیل میں انفورسمنٹ افسر سمیت 40 اہلکار اشیائے صرف کے نرخ کی مانیٹرنگ اور کارروائی کریں گے۔عوام کی شکایات پر بھی گرانفروشوں کے خلاف موثر کارروائی ممکن ہوگی۔ غیر منقولہ تجاوزات کے مستقل خاتمے کیلئے تحصیل کی سطح پر کارروائی جاری رکھے گا۔تحصیل کی سطح پر چار ایپلٹ فورم پر فیصلے کیلئے ٹائم لائن مقرر ہوگی۔مووایبل تجاوزات کو ہٹا کر گلیاں بازار وسیع کیے جائیں گے۔
وزیراعلیٰ پنجاب مریم نواز کا کہنا تھا کہ پنجاب کے عوام کو مہنگائی سے نجات دلانے کا عزم غیر متزلزل ہے۔ مصنوعی مہنگائی اور ذخیرہ اندوزی کے خاتمے کیلئے مجاز اتھارٹی کا قیام ناگزیر ہے۔ ہر سیکٹر میں سٹرکچرل ریفارمز متعارف کرا رہے ہیں۔گلیوں اور بازاروں میں تجاوزات کی اجازت نہیں دی جا سکتی، سینیٹر پرویز رشید، سینیئر منسٹر مریم اورنگزیب، چیف سیکرٹری، چیئرمین پی اینڈ ڈی، آئی جی، سیکرٹری داخلہ، سی سی پی او اور دیگر حکام بھی موجود تھے۔
جسٹس منصور علی شاہ کا پریکٹس اینڈ پروسیجر کمیٹی میں عدم شرکت، چیف جسٹس کو خط
چیف جسٹس قاضی فائز عیسیٰ میرے کیس نہ سنیں،عمران خان کی پھر درخواست
پاکستان بار کا پریکٹس اینڈ پروسیجر ترمیمی آرڈیننس کے اجرا پر شدید تحفظات کا اظہار
پریکٹس اینڈ پروسیجر قانون کیس،جسٹس عائشہ ملک اور جسٹس شاہد وحید کا اختلافی نوٹ
پریکٹس اینڈ پروسیجر ایکٹ ،جسٹس یحییٰ آفریدی کا اضافی نوٹ جاری
پریکٹس اینڈ پروسیجر ایکٹ کیس کا تفصیلی فیصلہ جاری
بریکنگ،سپریم کورٹ نے پریکٹس اینڈ پروسیجر ایکٹ کو قانونی قرار دے دیا
