میرپورخاص (باغی ٹی وی ،نامہ نگار سید شاہزیب شاہ )مقابلہ حسن قرات و نعت ،پروقار تقریب منعقد ہوئی
تفصیل کے مطابق میرپورخاص ریلوے اسٹیشن کے سامنے واقع ریلوے پرائمری اسکول میں ہر سال کی طرح اس سال بھی جشن آمد رسول ﷺ کے حوالے سے مقابلہ حسن قرات و نعت کی تقریب کا انعقاد کیا گیا۔ اس سادہ مگر پروقار تقریب میں طلبہ و طالبات کے مابین مقابلہ ہوا، جس میں کامیاب طلبہ کو انعامات سے نوازا گیا۔
تقریب میں دعوت اسلامی کے سید ریحان باپو، مرکزی ڈپٹی سیکریٹری جنرل اتحاد عباسیہ پاکستان عثمان عامر عباسی، ماسٹر شمش الدین پنھور، فضل عطاری، سید کامران عطاری، مولانا محمد بخش قادری، ڈسٹرکٹ ایجوکیشن آفیسر نبی بخش گرگیز، اسسٹنٹ ایجوکیشن آفیسر خمیسو خان سموں، اسکول کے ہیڈ ماسٹر ساجد راؤ، جمن علی لغاری اور سابق اسسٹنٹ ایجوکیشن آفیسر محمد رمضان ظھار الحق مغل (ریٹائرڈ) نے شرکت کی۔
تقریب کے دوران قرات و نعت کے مقابلے میں نمایاں کارکردگی دکھانے والے طلبہ کو خصوصی انعامات سے نوازا گیا۔ شرکاء نے اس تقریب کو دینی و روحانی لحاظ سے نہایت اہم قرار دیا اور بچوں کی صلاحیتوں کو سراہا۔
