وینا ملک کی زندگی میں ایک بار پھر کسی خاص شخص کی آمد؟

کراچی: سوشل میڈیا پر دعویٰ کیا جا رہاہے کہ پاکستانی اداکارہ وینا ملک کی زندگی میں ایک بار پھر کسی خاص شخص کی آمد ہو گئی ہے-

باغی ٹی وی : مختلف سوشل میڈیا پلیٹ فارمز پر اداکارہ کی مختلف انسٹا اسٹوریز کے اسکرین شارٹس وائرل ہیں جن میں اداکارہ نے ’ایم شہریار01‘ نامی ایک مخصوص ٹک ٹاک اکاؤنٹ اور ’شہریار چوہدری‘ نامی انسٹاگرام اکاؤنٹ کی مختلف ویڈیوز کو ری شیئر کیا ہے،ری شیئر کی گئی ویڈیوز اور انسٹا اسٹوریز کے ساتھ سرخ دل والے ایموجی اور مختلف کمنٹس بھی موجود ہیں، جو اس بات کا عندیہ دے رہے ہیں کہ اداکارہ کی زندگی میں ایک بار پھر کسی خاص شخص کی آمد ہو گئی ہے تاہم اس حوالے سے اداکارہ نے خود کچھ واضح نہیں کیا ہے اور نہ ہی اداکارہ نے مذکورہ شخص کا چہرہ دکھایا ہے۔

واضح رہے کہ اداکارہ وینا ملک نے 25 دسمبر 2013ء کو دبئی کے بزنس مین اسد بشیر خان خٹک سے شادی کی تھی، جو صرف 4 سال بعد 2017ء میں طلاق کی صورت میں ختم ہو گئی،طلاق کے بعد بچوں کی حوالگی سے متعلق تنازع کھڑا ہوا لیکن ان کے 2 بیٹوں کی کسٹڈی اداکارہ کے پاس ہی ہے۔