فیصل آباد، 24 ستمبر: پاکستان کرکٹ سلیکٹرز نے انگلینڈ کے خلاف 7 سے 11 اکتوبر تک ملتان میں ہونے والے پہلے ٹیسٹ کے لیے 15 رکنی اسکواڈ کا اعلان کر دیا ہے۔ شان مسعود کو کپتان مقرر کیا گیا ہے، جبکہ سعود شکیل نائب کپتان ہوں گے۔اسکواڈ میں تجربہ کار اور نوجوان کھلاڑیوں کا بہترین امتزاج شامل کیا گیا ہے۔ بائیں ہاتھ کے اسپنر نعمان علی، جو 15 ٹیسٹ میچوں میں 47 وکٹیں لے چکے ہیں، انجرڈ فاسٹ بولر خرم شہزاد کی جگہ ٹیم میں شامل کیے گئے ہیں۔ دیگر نمایاں کھلاڑیوں میں بابر اعظم، شاہین شاہ آفریدی، اور محمد رضوان شامل ہیں۔
ہیڈ کوچ جیسن گلیسپی نے اسکواڈ کے اعلان کے بعد کھلاڑیوں کو چیمپئنز ون ڈے کپ کے پلے آف سے دستبردار کر دیا ہے تاکہ وہ انگلینڈ کے خلاف اہم سیریز سے قبل آرام کر سکیں۔ تربیتی کیمپ یکم اکتوبر سے ملتان میں شروع ہوگا۔شان مسعود (کپتان)، سعود شکیل (نائب کپتان)، عامر جمال، عبداللہ شفیق، ابرار احمد، بابر اعظم، میر حمزہ، محمد ہریرہ، محمد رضوان (وکٹ کیپر)، نسیم شاہ، نعمان علی، صائم ایوب، سلمان علی آغا، سرفراز احمد (وکٹ کیپر)، شاہین شاہ آفریدی شامل ہے،جیسن گلیسپی نے کہا کہ انگلینڈ کے خلاف سیریز میں کامیابی کے لیے کھلاڑیوں کا تازہ دم ہونا ضروری ہے اور وہ پرجوش ہیں کہ شائقین کی حمایت سے ٹیم بہترین کارکردگی کا مظاہرہ کرے گی۔
Shares:
