پشاور: وزیر اعلی خیبرپختونخوا علی امین گنڈاپور نے پنجاب پولیس کو وارننگ دیتے ہوئے کہا ہے کہ کسی کا غلط حکم نہ مانیں ، نتائج آپ نے خود بھگتنے ہوں گے، پنجاب پولیس کے اہلکاروں کی فیملیز کا احساس کیا ہے، اس کے اہلکاروں کو یہاں لے آؤں گا۔
باغی ٹی وی: پشاور ہائیکورٹ میں لاپتہ افراد کیس میں پیشی کے بعد وزیر اعلی خیبرپختونخوا نے میڈیا سے گفتگو کرتے ہوئے کہا کہ 2017ء کے پولیس ایکٹ پر کام کررہے ہیں تاکہ کوئی بھی اپنی طاقت کا بے جا استعمال نہ کرے، ہوم ڈیپارٹمنٹ اور دیگر محکمے مل کر قوانین بنارہے ہیں، نگراں حکومت میں پولیس سے وہ کام کروائے گئے جو وہ نہیں کرنا چاہتی تھی۔
انہوں نے کہا کہ غیر جمہوری طریقے سے آئے ہوئے لوگوں نے آئین کو تباہ کردیا ہے، جہاں جہاں ہمیں حکم ملے گا وہاں جلسہ کریں گے، یہ گولیاں ،تشدد ہمارا وقت ضائع کرسکتا ہے لیکن مقصد تبدیل نہیں کرسکتا، میں وزیر اعلی ہوں اپنے وسائل ڈنکے کی چوٹ پر استعمال کروں گا، میری مشینری راستہ اس لئے کلیئر کرے گی کیونکہ میں اس صوبے کا وزیراعلی ہوں،پنجاب پولیس کو وارننگ دے رہا ہوں، کسی کا غلط حکم نہ مانیں ، نتائج آپ نے خود بھگتنے ہوں گے، پنجاب پولیس کے اہلکاروں کی فیملیز کا احساس کیا ہے، اس کے اہلکاروں کو یہاں لے آؤں گاعظمی بخاری کہتی ہے میں خبیر پختونخوا میں جلسہ کروں، میں کیوں یہاں جلسہ کروں ،پورے پاکستان میں جلسہ کروں گا، بلاول ،مولانا ،پی ڈی ایم اور دیگر جلسے کررہے ہیں انھیں کوئی روکنے والا نہیں، مولانا فضل الرحمان نے خود بولا کہ مجھے کہا گیا کہ پی ٹی آئی کی حکومت ختم کرو، مولانا آپ مان گئے امریکہ کے کہنے پر آپ نے پی ٹی آئی کی حکومت گرائی ہے۔
