وفاقی حکومت کی اتحادی جماعت متحدہ قومی موومنٹ (ایم کیو ایم) ناراض ہوگئی۔
باغی ٹی وی کی رپورٹ کے مطابق ذرائع کا کہنا ہے کہ کراچی اور حیدرآباد کے لئے ترقیاتی فنڈز کا اجرا نہ ہونے پر ایم کیو ایم ناراض ہے، طے شدہ معاہدے پر عمل درآمد میں پیشرفت نہ ہونا بھی وجہ تنازع ہے۔سندھ اسمبلی میں اپوزیشن لیڈر علی خورشیدی نے ن لیگ کے ساتھ اتحاد پر سوال اٹھا دیئے۔علی خورشیدی نے کہا کہ کارکنان، ووٹر، سپورٹر پوچھ رہے ہیں وفاق میں اتحادی ہونے کا کیا فائدہ ہے، کراچی کی ترقی کے لئے وفاقی حکومت نے توقعات کے مطابق کردار ادا نہیں کیا، لگتاہے کہ سندھ کو ترقی کی دوڑ سے دور نکال دیا ہے۔اپوزیشن لیڈر علی خورشیدی کا کہنا تھا کہ ہم نے ذاتی ایشوز نہیں کراچی کے بنیادی مسائل کی نشاندہی کی ہے۔
گھر سے بھاگنے والی 3نابالغ بچیاں انسانی سمگلرز کے ہتھے چڑھنے سے بچ گئیں
واضح رہے کہ سندھ میں اور کراچی بلدیہ عظمی میں پاکستان پیپلز پارٹی کی حکومت ہونے کے باعث ایم کیو ایم کو فنڈ کے اجرا میں مشکلات کا سامنا ہے جس کے باعث پارٹی نے کئی دفعہ معاملہ وفاقی حکومت اور وزیراعظم کے ساتھ اٹھا یا ہے.
