خیبر پختونخوا کے علاقے ٹانک میں پولیس وین پر حملہ ہوا ، دو اہلکار شہید ہو گئے ہیں
واقعہ ٹانک کے علاقے پٹھا ن کوٹ کے قریب پیش آیا، نامعلوم افراد نے پولیس وین پر گولیاں چلا دیں،جس سے تین پولیس اہلکار زخمی ہوئے، زخمیوں کو طبی امداد کے لئے ہسپتال منتقل کیا گیا، جہاں دو اہلکاروں کی موت ہو گئی،ڈی پی او کے مطابق پولیس وین معمول کے گشت پر تھی جب حملہ کیا گیا، واقعہ کے بعد نامعلوم افراد فرار ہو گئے ، علاقے میں سرچ آپریشن شروع کر دیا گیا ہے.
وزیرداخلہ محسن نقوی نے ٹانک میں کوٹ پٹھان کے علاقے میں پولیس پوسٹ پر فتنہ الخوارج کے دہشتگردوں کی فائرنگ کی مذمت کی،محسن نقوی نےفائرنگ سے شہید ہونے والے والے 2 پولیس اہلکاروں کو خراج عقیدت پیش کیا گیا ہے، محسن نقوی نے شہیدپولیس اہلکاروں کے لواحقین سے دلی ہمدردی و اظہار تعزیت کیا اور کہا کہ فتنہ الخوارج کے دہشتگردوں کے مکمل خاتمے کے پوری قوم یکسو ہے
