ایس سی او اجلاس:دنیا بھرمیں پاکستان کا مثبت امیج دنیا میں جائے گا،عطا تارڑ

اسلام آباد:وفاقی وزیراطلاعات عطااللہ تارڑ نے کہا ہے کہ شنگھائی تعاون تنظیم اجلاس کے لیے تمام تر انتظامات مکمل ہیں، اس اجلاس سے دنیا بھرمیں پاکستان کا مثبت امیج دنیا میں جائے گا۔

باغی ٹی وی : شنگھائی تعاون تنظیم (ایس سی او) کے سربراہی اجلاس کی تیاریوں کے حوالے سے غیرملکی میڈیا سے گفتگو میں وفاقی وزیر اطلاعات نے کہا کہ شنگھائی تعاون تنظیم اجلاس کے لیے تمام تر انتظامات مکمل ہیں، اس اجلاس سے دنیا بھرمیں پاکستان کا مثبت امیج دنیا میں جائے گا، ایس سی او اجلاس کا انعقاد پاکستان کے لیے اعزاز اور باعث فخر ہی نہیں بلکہ علاقائی تعلقات، علاقائی معاملات ،معیشت اور ثقافت کے لیے بھی مفید ثابت ہوگا-

عطا تارڑ نے کہا کہ ایس سی او اجلاس خطے کے عوام کے بھی مفاد میں ہےاجلاس کے لیے انتظامات مکمل ہیں فول پروف سیکیورٹی کے بھی انتظامات کئے گئے ہیں، شہر کو سجا دیا گیا ہے اجلاس کی سائیڈ لائن پر لیڈرز کے درمیان دوطرفہ ملاقاتوں کے لیے بھی تیاریاں کی گئی ہیں، چینی صدر کے دورے میں دوطرفہ مذاکرات گیم چینجر ثابت ہوں گے،چینی وفود کے ساتھ مختلف سطح پر ملاقاتیں بھی طے ہیں جن میں تعاون کے نئے میدان تلاش کرنے کے ساتھ معیشت کو مضبوط کرنے پر بات ہوگی۔

واضح رہے شنگھائی تعاون تنظیم کا اجلاس 15 سے 16 اکتوبر کے درمیان اسلام آباد میں ہوگا جس میں مختلف ممالک کے 200 وفود شرکت کریں گے جس کے لئے اسلام آباد میں شنگھائی تعاون تنظیم کے اعلیٰ سطح اجلاس کی ساری تیاریاں ہوگئی ہیں راولپنڈی اور اسلام آباد کے جڑواں شہروں میں کئی شاہراہیں نقل و حمل کے لیے بند ہیں۔