میرپورخاص (باغی ٹی وی،نامہ نگارسیدشاہزیب شاہ) جمعیت علمائے اسلام (ف) کے سربراہ مولانا فضل الرحمن نے میرپورخاص کے علاقے بھانسنگھ آباد سومرو پاڑے میں حاجی رفیق سومرو کی رہائش گاہ پر منعقدہ تقریب میں شرکت کی ، جہاں انہوں نے رفیق سومرو کے بیٹے زید رفیق سومرو کا نکاح پڑھایا۔ مولانا فضل الرحمن نے دلہا کو نکاح کی مبارکباد دی اور نیک تمناؤں کا اظہار کیا۔
نکاح کی تقریب میں سیاسی و سماجی شخصیات بھی موجود تھیں۔ ڈپٹی کمشنر میرپورخاص نے اس موقع پر مولانا فضل الرحمن اور عبدالرحمن سومرو سے ملاقات کی اور مقامی مسائل پر غیر رسمی بات چیت بھی ہوئی۔
تقریب میں آنے والے معزز مہمانوں کے لیے سخت سیکیورٹی انتظامات کیے گئے تھے۔ پولیس اور انتظامیہ کے افسران نے تقریب کے اطراف کا سیکیورٹی پلان نافذ کیا تاکہ مہمانوں کی آمدورفت پرامن طریقے سے مکمل ہو سکے۔
