شنگھائی تعاون تنظیم کے رکن ممالک کے سربراہان کا 23 واں اجلاس پاکستان کے وفاقی دارالحکومت اسلام آباد میں ہو رہا ہے
ایس سی او سربراہی اجلاس میں ایران بھی شریک ہے، سید محمد اتابک، وزیر صنعت، تجارت اور کان کنی ایرانی وفد کی سربراہی کر رہے ہیں،ایرانی وفد کے اسمبلی ہال پہنچنے پر پاکستان کے وزیراعظم شہباز شریف اور نائب وزیراعظم اور وزیر خارجہ سینیٹر اسحاق ڈار نے انکا استقبال کیا، ایران کے وزیر صنعت، کان کنی اور تجارت سید محمد اتابک نے شنگھائی تعاون تنظیم کے اجلاس سے خطاب کرتے ہوئے کہا کہ اسلامی جمہوریہ ایران اس تنظیم کے ارکان اور علاقائی تعاون کے سلسلے میں سنجیدہ ہے، ایران کے وزیر صنعت نے عالمی نظام کو امن، استحکام اور سلامتی کے شعبوں میں درپیش چیلنجوں پر روشنی ڈالی،انہوں نے کہا کہ ایسی صورت میں شنگھائی تعاون تنظیم جیسے علاقائی اتحاد رکن ممالک کے اقتدار اعلی، ارضی سالمیت، ہمسائگی اور عدم مداخلت جیسے معاملات کو یقینی بناسکتے ہیں، درپیش چیلنجوں سے نمٹنے کے لئے نئے طریقہ کار اختیار کرنا ہوں گے، انہوں نے شنگھائی تعاون تنظیم کو ملٹی پولر دنیا کے اہم ارکان میں قرار دیا اور کہا کہ ایسے ماحول میں اس تنظیم کے ارکان علاقائی اور عالمی سطح پر موثر کردار ادا کر سکتے ہیں،اس وقت علاقے کو تکفیری دہشت گردی، انتہاپسندی، منشیات کی اسمگلنک اور دیگر منظم جرائم کا سامنا ہے جس سے نمٹنے کے لئے اسلامی جمہوریہ ایران انتہائی سنجیدہ ہے۔
ایران کے وزیر صنعت سید محمد اتابک نے اس موقع پر شنگھائی تعاون تنظیم کے رکن ایران کے خلاف صیہونیوں کے جارحانہ اقدامات کی مذمت کرتے ہوئے اس تنظیم کے ارکان سے صیہونیوں کے وحشیانہ جرائم اور حرکتوں کے خلاف سنجیدگی سے پیش آنے اور واضح موقف اختیار کرنے کا مطالبہ کیا،انہوں نے ایران کی اسٹریٹیجک اور جیوپالیٹیکل گنجائشوں، ماہر افرادی قوت، توانائی کے شعبے میں صلاحیتوں، سائنس اور ٹیکنالوجی میں ترقی اور بنیادی تنصیبات اور ٹرانزٹ کے وسائل کی فراوانی کو شنگھائی تعاون تنظیم کے لئے انتہائی مفید اور موثر قرار دیا،ایران کے وزیر صنعت، تجارت اور کان کنی سید محمد اتابک نے ایران اور شنگھائی رکن ممالک کے مابین تجارت میں فروغ پر بھی زور دیا اور کہا کہ گزشتہ ایک سال کے دوران تہران اور اس تنظیم کے دیگر ارکان کے مابین تجارت کا حجم 5/5 فیصد بڑھا ہے یعنی 37 ارب ڈالر تک پہنچ گیا ہے، بینک کانسرشیئم، تجارتی کمیشنوں اور دیگر طریقہ کار کے ذریعے تجارت کے اس حجم کو مزید بڑھایا جا سکتا ہے،سید محمد اتابک نے امریکہ کی یکطرفہ پالیسیوں اور ترقی پزیر ممالک من جملہ ایران کے خلاف واشنگٹن کی معاشی دہشت گردی کے مقابلے کے لئے شنگھائی تعاون تنظیم کے ارکان کے اتحاد کی ضرورت پر بھی زور دیا اور کہا کہ امریکہ کی جانب سے عائد شدہ پابندیوں کا مقابلہ شنگھائی تعاون تنظیم کے اہداف میں شامل ہونا چاہئے۔
ایس سی او اجلاس،اعلامیہ پر دستخط،صدارت روس کے سپرد
ایس سی او اجلاس، رکن ممالک کے سربراہان کی غیر رسمی ملاقات،گفتگو
وزیراعظم نے ایس سی او کی صدارت کی جو ایک اعزاز ہے،عطا تارڑ
ایس سی او اجلاس، بھارتی وزیر خارجہ کی مارننگ واک کی تصویر وائرل
پاکستان اور چین کی اسٹریٹجک شراکت داری کو مزید تقویت: اہم ملاقات کے نتائج
چین کا پاکستان کی ترقی میں اہم کردار جاری رہے گا: چینی وزیراعظم
آرمی چیف اور چینی وزیراعظم کا گرم جوشی سے مصافحہ
ایس سی او سمٹ کانفرنس پاکستان کے لئے گیم چینجر ثابت ہوگی۔وزیراعلیٰ پنجاب
ایس سی او اجلاس،بھارت بھی پاکستان کی کامیابی پر معترف
ایس سی او اجلاس،معاشی ترقی اور استحکام کیلئے مل کر آگے بڑھنا ہے، وزیراعظم
