اوچ شریف (باغی ٹی وی،نامہ نگارحبیب خان) یحییٰ مستوئی کی جیولن تھرو میں ضلعی سطح پر تیسری پوزیشن
تفصیل کے مطابق گورنمنٹ ایلیمنٹری اسکول اوچ موغلہ کے طالب علم یحییٰ مستوئی نے کھیلوں کے سالانہ مقابلوں میں جیولن تھرو کی کیٹیگری میں ضلعی سطح پر تیسری پوزیشن حاصل کر لی۔ ڈسٹرکٹ ایجوکیشن اتھارٹی بہاول پور کے زیراہتمام تقریب میں سی ای او ایجوکیشن نے یحییٰ مستوئی کو ٹرافی اور تعریفی سرٹیفکیٹ سے نوازا۔
تقریب میں بہاول پور ٹیچرز ایسوسی ایشن کے صدر عبدالستار خان، تحصیل احمد پور شرقیہ کے صدر اللہ ڈتہ سعیدی اور چوہدری غلام مرتضیٰ بھی موجود تھے۔ انہوں نے یحییٰ مستوئی، اسکول کے ہیڈ ماسٹر اور اساتذہ کو اس کامیابی پر مبارکباد پیش کی اور ان کی محنت کو سراہا۔
