لاہور: وزیر اطلاعات پنجاب عظمی بخاری کا کہنا ہے کہ ججز اوران کی فیملیز کے خلاف کردار کشی مہم چلانے والے آج عدلیہ کے ہمدرد بن رہے ہیں-
باغی ٹی وی : عظمی بخاری نے بیرسٹر سیف کے بیان پر ردعمل دیتے ہوئےکہاکہ ججز اوران کی فیملیز کے خلاف کردار کشی مہم چلانے والے آج عدلیہ کے ہمدرد بن رہے ہیں آئینی ترمیم سے جمہوریت پسند خوش اور آمریت پسند سیخ پا ہیں،تحریک انصاف سیاسی جماعت کم اور یتیموں کا گروہ زیادہ بن چکی ہے، پی ٹی آئی نے اپنی گندی سیاست کے لیے پہلے طلباء کو اشتعال دلایا اوراب وہ وکلاء سے باہر نکلنے کی اپیلیں کر رہی ہے۔
رہنما مسلم لیگ ن نے کہا کہ جن کی قسمت میں رونا دھونا لکھا ہے وہ آئینی ترامیم اور قانون سازی میں رخنے ہی ڈال سکتے ہیں، پاکستان کے عوام اڈیالہ جیل کے قیدی اور اس کے چمچے کڑچھوں کا بھیانک روپ دیکھ چکے ہیں۔
26 ویں آئینی ترمیم کو چیلنج کرنے کے لیے قانونی عمل کا جائزہ لے رہے …
عظمی بخاری نے چیف جسٹس قاضی عیسیٰ فائز کو خراج تحسین پیش کرتے ہوئے کہا کہ چیف جسٹس قاضی عیسی کا نام عدلیہ کی تاریخ میں سنہرے حروف سے لکھا جائے گا انہوں نے تمام فیصلے آئین اور قانون کے مطابق کیے ہیں، آج اڈیالہ جیل کے قیدی کے لیے بہت بڑا سرپرائز ہے آئینی ترمیم کی منظوری کے سلسلے میں جس نے بھی رول ادا کیا وہ قابل ستائش ہے وزیر اعظم شہباز شریف اور ان کی ٹیم بھی خراج تحسین کی مستحق ہے-
