اوچ شریف (باغی ٹی وی، نامہ نگار حبیب خان)صدیوں پرانا تاریخی شہر، اولیاء کرام کے مزارات اور طرز تعمیر کی عظمت برقرارہے.امیر تیمور
تفصیل کے مطابق صدیوں پرانی تاریخ کا حامل شہر اوچ شریف آج بھی اپنی عظمت اور روحانیت کے باعث دنیا بھر میں نمایاں حیثیت رکھتا ہے۔ ایڈیشنل ڈپٹی کمشنر ریونیو بہاولپور امیر تیمور ے گزشتہ روز شہر کا دورہ کیا اور دربار حضرت محبوب سبحانی پر فاتحہ خوانی کی۔ انہوں نے تاریخی مقامات جیسے کہ مقبرہ بی بی جیوندی، بہاول حلیم اور نوریا جیسے شاہکاروں کا بھی وزٹ کیا اور اولیاء کرام کی تعلیمات اور تاریخ پر مفصل بریفنگ لی۔
مہمان وفد نے تاریخی شہر کی خوبصورتی اور روحانی ماحول کو سراہا اور مسجد حضرت جلال الدین سرخ پوش بخاریؒ کی منفرد طرز تعمیر، دیواروں اور چھتوں پر کیے گئے شاندار نقش و نگار میں گہری دلچسپی لی۔ دورے کے دوران ہاتھی گیٹ بازار، الشمس چوک، دربار روڈ، اور ٹینکی چوک روڈ پر جاری اینٹی انکروچمنٹ اور صفائی مہم کی تعریف بھی کی گئی۔ اس موقع پر اسسٹنٹ کمشنر احمد پور شرقیہ میاں عثمان امین، چیف آفیسر میونسپل کمیٹی اوچ شریف قاضی نعیم اور ان کی ٹیم کو بہترین کارکردگی پر شاباش دی گئی۔
حکومت تاریخی شہر کی ترقی اور سیاحوں و زائرین کی سہولیات کو بہتر بنانے کے لیے مسلسل اقدامات کر رہی ہے تاکہ یہ عظیم شہر اپنی قدیم شان و شوکت کو برقرار رکھ سکے۔
