پنجاب کے شہر ساہیوال کی یونیورسٹی میں یونیورسٹی کے ملازمہ کے ساتھ اجتماعی زیادتی کی گئی ہے
ساہیوال یونیورسٹی کے پانچ سیکورٹی گارڈز نےایک سیکورٹی ملازمہ کے ساتھ اجتماعی زیادتی کی ہے، زیادتی کے دوران ملزمان نے نازیبا ویڈیو بھی بنا لیَں،ملزمان ویڈیو بنا کر خاتون کو بلیک میل کرتے رہے،واقعہ کا مقدمہ درج کر لیا گیا،واقعہ 4 ماہ قبل پیش آیا یونیورسٹی انتظامیہ نے معاملے کو دبائے رکھا،متاثرہ لڑکی سمیت 6 افراد نوکری سے برخاست کر دیئے گئے،ساہیوال پولیس تھانہ سول لائن میں 2 نومبر 2024 کو مقدمہ کا اندراج ہوا، پولیس نے 3ملزمان کو گرفتار کرلیا،مزید تفتیش جاری ہے
مدعی مقدمہ نے درخواست میں پانچ ملزمان کو نامز دکیا ہے، ان ملزمان میں محمد اکرم گجر سیکیورٹی سپر وائزر یو نیورسٹی آف ساہیوال، محمد مزمل فتیانہ سیکیورٹی گارڈ، شوکت فتیانہ سیکیورٹی گارڈ یونیورسٹی آف ساہیوال، محمد سالک ولد محمد عارف قوم جٹ سکنہ جہاز گراؤنڈ ساہیوال ، محمد قاسم ولد خدا بخش قوم رحمانی شامل ہیں، مقدمہ کے متن میں کہا گیا ہے کہ سائلہ مدینہ ٹائون 6 / 85 آر ساہیوال کی رہائشی ہے اور سائلہ یونیورسٹی آف ساہیوال میں سکیورٹی کی ملازمت کرتی تھی تقر یبا چار ماہ قبل سائلہ اپنی ملازمت پر تھی، 12 بجے دن یونیورسٹی میں عید کی چھٹیاں تھیں اور یونیورسٹی میں صرف سکیورٹی کا سٹاف موجود تھا ملزمان محمد اکرم سپر وائزر ، محمد مزمل اور دیگر نامزد ملزمان نےسائلہ کو اسلحہ کے زور پر زبردستی زیادتی کا نشانہ بنایا اور ویڈیو بنا لیں،ملزمان پھر بار بار بلیک میل کرتے رہے اور زنابالجبر کرتے رہے، سائلہ کی حالت خراب ہو گئی تھی جس پر ملزمان نے ہی دوا لا کر دی، ، سائلہ نے تمام و قوعہ یونیورسٹی انتظامیہ کو بتایا انہوں نے سائلہ کو ملازمت سے فارغ کر دیا سائلہ نے تمام و قوعہ گواہان محمد افضل ،عابد حسین ولد ظہور احمد قوم بٹ کو بھی بتایا جس پر ملزمان نے دھمکی دی کہ اگر کاروائی کی تو تمہاری تمام ویڈیو لیک کر دیں گے اور تم دینا کومنہ دکھانے کے بھی قابل نہ رہوں گی سائلہ اپنی اور والدین کی عزت کی خاطر خاموش ہو گئی،
درج مقدمے میں مزید کہا گیا کہ سائلہ فرید ٹاؤن میں ایک پیزا کی دکان پر ملازمت کر رہی ہے مورخہ 30.10.2024 تقریب 5 بجے شام سائلہ کی دکان پر آیا اور کہا کہ ہمارے پاس تمہاری ویڈیو میں ہم تمام ویڈیوز وائرل کر دیں گے ملزمان نے سائلہ کے ساتھ زیادتی کی ہے ان کے خلاف مقدمہ درج کیا جاوے،پولیس نےو اقعہ کا مقدمہ درج کرلیا ہے
11سالہ معصوم بچے کو بدفعلی کا نشانہ بنانے والاملزم گرفتار
ڈیٹنگ ایپس،ہم جنس پرستوں کے لئے بڑا خطرہ بن گئیں
دوہرا معیار،موبائل میں فحش ویڈیو ،اور زیادتی کے مجرموں کو سزا کا مطالبہ
بھارت میں خاتون ڈاکٹر زیادتی و قتل کیس،سپریم کورٹ نے سوال اٹھا دیئے
