سیالکوٹ (باغی ٹی وی بیورو چیف شاہد ریاض) سیالکوٹ میں مختلف واقعات کے دوران تین افراد کو اغوا کر لیا گیا، جن میں ایک نوجوان لڑکی اور ایک لڑکا شامل ہیں۔
تفصیلات کے مطابق، تھانہ حاجی پورہ کے علاقے محلہ بجلی گھر کی رہائشی شازیہ بی بی کی 16 سالہ بیٹی مسکان کو احمد علی، نادیہ علی، تصور اور دیگر ملزمان نے بہانہ بنا کر اغوا کر لیا۔
اسی دوران، تھانہ صدر سیالکوٹ کے علاقے اورا چوک کے رہائشی احسان اللہ کے 15 سالہ بیٹے امان اللہ کو بھی اغوا کر لیا گیا۔ مزید برآں، تھانہ اگوکی کے علاقے روڈس روڈ سے حاجی سرفراز کے چھوٹے بھائی طارق محمود کو بھی نامعلوم ملزمان نے اغوا کر لیا۔
پولیس نے تمام واقعات کے حوالے سے مقدمات درج کر کے تحقیقات شروع کر دی ہیں، تاہم اغوا ہونے والوں کی بازیابی کے لیے پولیس کی کارروائیاں جاری ہیں۔
