ڈسکہ:خراب سڑکیں،حادثات میں اضافہ،24 گھنٹوں میں 25 واقعات

ڈسکہ (باغی ٹی وی نامہ نگار ملک عمران)خراب سڑکیں،حادثات میں اضافہ،24 گھنٹوں میں 25 واقعات

ڈسکہ سرکل میں روڈ حادثات میں خطرناک اضافہ ہو گیا ہے، انسپکٹر ٹریفک پولیس نوید جو گوجرانوالہ سے سپیشل ڈیوٹی کے بعد واپس آ رہے تھے، گلوٹیاں موڑ پر موٹرسائیکل حادثے کا شکار ہوگئے۔ سڑک کی خراب حالت کے باعث موٹرسائیکل سلپ ہونے سے انسپکٹر نوید شدید زخمی ہوگئے۔ انہیں فوری طور پر ریسکیو کے ذریعے ہسپتال منتقل کیا گیا۔

وزیرآباد روڈ اور ڈسکہ روڈ پر جاری تعمیراتی کام کے دوران سڑک پر گہرے کھڈے بن چکے ہیں، جس کے باعث حادثات میں اضافہ ہو رہا ہے۔ حفاظتی اقدامات کے نہ ہونے کی وجہ سے روز بروز حادثات بڑھ رہے ہیں۔ گزشتہ 24 گھنٹوں کے دوران 25 مختلف روڈ حادثات رپورٹ کیے گئے ہیں، جن میں متعدد افراد زخمی ہوئے۔ شہریوں نے سڑکوں کی فوری مرمت اور حفاظتی اقدامات کا مطالبہ کیا ہے۔