میرپور ماتھیلو(باغی ٹی وی ،نامہ نگار مشتاق علی لغاری)سرکٹ ہاؤس سکھر میں منعقدہ اہم فیصلے میں پیپلز پارٹی کے رہنما علی گوہر مھر، غوث بخش مھر، ابراہیم جتوئی، میر عابد جتوئی اور دونوں برادریوں کے معززین نے شرکت کی۔ اس فیصلے کا اعلان فتویٰ کریم بخش بڈانی نے کیا۔
فیصلے کے مطابق مھر اور جتوئی برادریوں کے درمیان سات خون ثابت ہوئے ہیں۔ مھر برادری کے پانچ قتل ثابت ہوئے، جن میں چار مردوں کی دیت ایک کروڑ روپے اور ایک خاتون کی دیت 50 لاکھ روپے مقرر کی گئی۔ مجموعی طور پر جتوئی برادری پر ایک کروڑ 50 لاکھ روپے کا جرمانہ عائد کیا گیا۔
اسی طرح جتوئی برادری کے دو خون ثابت ہوئے، جن کی دیت 50 لاکھ روپے مقرر کی گئی ہے۔ ایک عورت کے اغوا پر 20 لاکھ روپے جرمانہ رکھا گیا جبکہ عورت کے قتل کی دیت مرد کے قتل سے دوگنی رکھی گئی ہے۔
فیصلے میں یہ بھی طے کیا گیا کہ کسی بھی واردات میں مرنے والے چور کا کوئی جرمانہ نہیں ہوگا۔ اگر کوئی اس فیصلے کی خلاف ورزی کرے یا جھگڑے کا آغاز کرے تو اس پر 25 لاکھ روپے جرمانہ عائد کیا جائے گا۔
یہ فیصلہ برادریوں کے درمیان جھگڑوں کو ختم کرنے اور امن و امان کو بحال کرنے کی کوشش ہے۔
