گوجرہ(باغی ٹی وی،نامہ نگار عبدالرحمن جٹ) نہر سے تیرتی ہوئی نامعلوم شخص کی لاش برآمد
تفصیل کے مطابق تھانہ صدر گوجرہ کے نواحی علاقے چک نمبر 283 ج ب کے قریب نہر جھنگ برانچ سے ایک مسخ شدہ لاش برآمد ہوئی۔ یہ نہر فیصل آباد سے ٹوبہ ٹیک سنگھ کی طرف جاتی ہے۔ لاش نہر کے کنارے آ کر رک گئی، جس کی اطلاع ملتے ہی مقامی پولیس موقع پر پہنچ گئی۔
ریسکیو 1122 کی مدد سے لاش کو نہر سے نکال کر بیگ میں ڈال کر ضروری کارروائی کے لیے ٹی ایچ کیو ہسپتال گوجرہ منتقل کر دیا گیا۔ پولیس نے لاش کے ورثاء کی تلاش شروع کر دی ہے۔ مزید تحقیقات جاری ہیں۔
