وزیر داخلہ کا موٹروے کا فضائی جائزہ،سختی سے نمٹا جائے گا، محسن نقوی

وفاقی وزیر داخلہ محسن نقوی کا کہنا ہے کہ صورتحال اطمینان بخش ہے، شر پسندوں سے قانون کے مطابق سختی سے نمٹا جائے گا،

وفاقی وزیر داخلہ محسن نقوی نے اسلام آباد، راولپنڈی اور اٹک کا فضائی دورہ کیا اور تینوں شہروں کے مختلف علاقوں میں سکیورٹی انتظامات کا فضائی جائزہ لیا۔ انہوں نے صوابی، پتھر گڑھ، موٹر وے پر بھی مجموعی صورتحال کا فضائی مشاہدہ کرتے ہوئے سکیورٹی انتظامات پر اظہار اطمینان کیا۔ وفاقی وزیرداخلہ محسن نقوی نے کہا کہ اسلام آباد ہائی کورٹ کے حکم کے مطابق امن عامہ یقینی بنانے کیلئے ضروری اقدامات کئے ہیں، پولیس، ایف سی اور رینجرز کے افسر اور جوان مستعدی سے فرائض سرانجام دے رہے ہیں۔ وزیر داخلہ نے کہا کہ حکومت نے عوام کی جان و مال کے تحفظ کیلئے ہر ممکن اقدامات کئے ہیں، شر پسندوں سے قانون کے مطابق سختی سے نمٹا جائے گا۔ انہوں نے واضح کیا کہ کسی کو دارالحکومت میں امن وامان کی صورتحال خراب کرنے کی اجازت نہیں دیں گے، انتظامیہ، پولیس اور قانون نافذ کرنے والے ادارے ہر ممکنہ صورتحال سے نمٹنے کیلئے تیار ہیں

بعد ازاں میڈیا سے بات کرتے ہوئے محسن نقوی کاکہنا تھا کہ شر پسندوں سے قانون کے مطابق سختی سے نمٹا جائے گا۔ کسی کو دارالحکومت میں امن وامان کی صورتحال خراب کرنے کی اجازت نہیں دیں گے،پورے پاکستان میں سکون ھے تکلیف صرف گنڈا پور کو ہے،پنجاب میں کوئی احتجاج نہیں ہو رہا، موبائل فون چل رہے ہیں، موبائل پر صرف انٹرنیٹ کو بند کیا گیا ہے۔ کوئی بھی احتجاج کے لیے اسلام آباد آئے گا تو اسے گرفتار کیا جائے گا۔عوام کا تحفظ ہماری پہلی ترجیح ہے۔غیر ملکی وفد کچھ دیر میں اسلام آباد آرہا ہے۔حکومت کسی صورت دھمکیوں سے ڈرنے والی نہیں،ہم نے اسلام آباد میں امن وامان قائم رکھناہے،علی امین گنڈاپوراحتجاج کی بجائے صوبے میں قیام امن پرتوجہ دیں،خیبرپختونخواحکومت اسلام آبادپردھاوابولنے کی بجائےصوبے کے عوام کے مسائل حل کرے،احتجاج کی کالوں سے ملک کانقصان ہوتاہے،اسلام آبادسے شرپسندوں کو گرفتار کیا گیا ہے،

اسلام آباد۔وفاقی وزیرداخلہ محسن نقوی پولیس، ایف سی اور رینجرز جوانوں کی حوصلہ افزائی کے لئے ڈی چوک ک پہنچ گئے،وزیرداخلہ محسن نقوی نے ڈیوٹی پر موجود اہلکاروں سے ملاقات کی اور ان کے بلند حوصلے کو سراہا، وزیرداخلہ محسن نقوی نے ڈیوٹی پر موجود اہلکاروں کو جانفشانی سے ڈیوٹی کی ادائیگی پر شاباش دی،وزیرداخلہ محسن نقوی نے فرائض سرانجام دینے والے اہلکاروں کو خراج تحسین پیش کیا ،وزیرداخلہ محسن نقوی نے شہریوں کی جان ومال کے تحفظ کیلئے دن رات ڈیوٹی پر موجود اہلکاروں کی تعریف کی،وزیرداخلہ محسن نقوی نے فرائض سرانجام دینے والے اہلکاروں کو ہر طرح کی سہولتیں فراہم کرنے کی ہدایت کی اور کہاکہ آپ کا خیال رکھنا ہماری ذمہ داری ہے۔ اسلام آباد پولیس ۔ایف سی اور رینجرز جوانوں کا مورال بہت بلند ہے۔اسلام آباد پولیس ۔ ایف سی اور رینجرز اہلکار ہمہ وقت الرٹ ہیں۔فرائض سرانجام دینے والے تمام اہلکاروں کو شاباش دیتا ہوں۔ قانون کی عملداری یقینی بنانے پر آپ سب مبارکباد کے مستحق ہیں۔آپ فرض شناسی سے قومی فریضہ نبھا رہے ہیں۔ ہم سب آپ کے ساتھ ہیں۔وفاقی سیکرٹری داخلہ۔ چیف کمشنر اسلام آباد۔آئی جی اسلام آبادپولیس۔ ڈپٹی کمشنر اسلام آباد بھی ہمراہ تھے