گوجرہ(باغی ٹی وی ،نامہ نگارعبدالرحمن جٹ) مبینہ پولیس مقابلہ، ایک ملزم زخمی حالت میں گرفتار، دوسرا فرار
گوجرہ کے علاقے تھانہ سٹی کی حدود میں مبینہ پولیس مقابلے کے دوران ایک ملزم زخمی حالت میں گرفتار جبکہ دوسرا فرار ہو گیا۔ واقعہ نواحی چک 370 ج ب کے لنک روڈ پر پیش آیا، جہاں پولیس نے دو مشکوک موٹر سائیکل سواروں کو رکنے کا اشارہ کیا۔ ملزمان نے فرار کی کوشش کرتے ہوئے پولیس پر فائرنگ کر دی۔
پولیس کے تعاقب پر ملزمان نے انی پلی کے قریب جھاڑیوں کی آڑ میں دوبارہ فائرنگ کی۔ جوابی کارروائی میں ایک ملزم اپنے ہی ساتھی کی گولی لگنے سے زخمی ہو گیا، جسے گرفتار کر کے گورنمنٹ آئی کام جنرل اسپتال منتقل کر دیا گیا۔
زخمی ملزم کی شناخت اسد ولد عبد الستار سکنہ ساہیوال کے طور پر ہوئی ہے، جبکہ فرار ہونے والے ساتھی کا نام ثاقب ولد بوٹا مسیح سکنہ 318 ج بتایا گیا ہے۔
ایس ایچ او تھانہ سٹی گوجرہ پولیس نفری کے ہمراہ فرار ملزم کی تلاش میں مصروف ہیں، جبکہ مزید قانونی کارروائی جاری ہے۔
