اسلام آباد سے گرفتار صحافی مطیع اللہ جان کی دس ہزار روپے مچلکوں پر ضمانت منظور کر لی گئی
انسداد دہشتگردی عدالت نےمطیع اللہ جان کو رہا کرنے کا حکم دے دیا،صحافی مطیع اللہ جان کے خلاف منشیات خرید وفروخت کا کیس کی سماعت ہوئی،انسداد دہشتگردی عدالت کے جج طاہر عباس سپرا نے سماعت کی،اسلام آباد ہائیکورٹ کے آرڈر کے کاپی عدالت کے سامنے پیش کی گئی،ایڈووکیٹ ایمان مزاری ، ہادی علی چٹھہ عدالت کے سامنے پیش ہوئے، عدالت میں درخواست ضمانت پر فریقین نے دلائل دیئے، جس کے بعد عدالت نے مطیع اللہ جان کی درخواست ضمانت منظور کر لی اور رہا کرنے کا حکم دے دیا
واضح رہے کہ گزشتہ روز اسلام آباد ہائیکورٹ نے مطیع اللہ جان کا جسمانی ریمانڈ کالعدم قرار دیا تھا، مطیع اللہ جان کو اسلام آباد پولیس نے گرفتار کیا تھا ان پر پولیس سے اسلحہ چھین کر دھمکی دینے اور منشیات کا مقدمہ درج کیا گیا تھا،
