بہاو پور میں تیز رفتار کار کھڑے ٹرک سے جاٹکرائی جس کے نتیجے میں پاکستان پیپلزپارٹی کے رہنما اور سابق رکن قومی اسمبلی مخدوم علی حسن گیلانی سمیت 2 افراد جاں بحق اور 3 زخمی ہوگئے۔
میڈیا رپورٹ کے مطابق ٹریفک حادثہ اوچ شریف روڈ پر علی الصبح اس وقت پیش آیا جب کہ تیز رفتاری کار سڑک کنارے کھڑے ٹرک سے ٹکرا گئی۔رپورٹ کے مطابق ریسکیو اہلکاروں نےلاشوں اور زخمیوں کو تحصیل ہیڈ کوارٹر ہسپتال احمد پور شرقیہ منتقل کیا۔ سابق وزیراعظم اور موجودہ چیئرمین سینیٹ یوسف رضا گیلانی کے رشتے دار مخدوم سید علی حسن گیلانی پاکستان پیپلز پارٹی کے ٹکٹ پر 2 بار ایم این اے منتخب ہوئے تھے۔صدر مملکت آصف علی زرداری نے اپنے جاری بیان میں مخدوم سید علی حسن گیلانی کی وفات پر دکھ اور افسوس کا اظہار کیا اور مرحوم کی پاکستان پیپلز پارٹی اور جمہوریت کیلئے خدمات کو سراہا۔انہوں نے کہ مرحوم سید علی حسن گیلانی کے اہل خانہ کے ساتھ اظہار تعزیت کیا اور مرحوم کے لیے دعائے مغفرت اور اہل خانہ کے لیے صبر جمیل کی دعا کی۔اس کے علاوہ وزیراعظم شہباز شریف نے پاکستان پیپلز پارٹی سے تعلق رکھنے والے سابق ایم این اے مخدوم سید علی حسن گیلانی کے ٹریفک حادثے میں انتقال پر اظہار افسوس کیا اور اہل خانہ کے ساتھ تعزیت کا اظہار کیا، وزیراعظم نے مرحوم کیلئے دعائے مغفرت اور ان کے اہل خانہ کے لیے صبر جمیل کی دعا کی۔اسپیکر قومی اسمبلی سردار ایاز صادق نے نے بھی تعزیت کا اظہار کیا اور کہا کہ مرحوم سید علی حسن گیلانی کی وفات ناقابل تلافی نقصان ہے۔اسپیکر نے مرحوم کی سیاسی و سماجی خدمات کو خراج تحسین پیش کرتے ہوئے کہا کہ دکھ کی اس گھڑی میں غمزدہ خاندان کے غم میں برابر کا شریک ہوں۔پاکستان پیپلز پارٹی کے چیئرمین بلاول بھٹو زرداری نے ٹریفک حادثے میں انتقال پر دکھ و افسوس کا اظہار کیا اور کہا کہ مرحوم سید مخدوم سید علی حسن گیلانی کی پارٹی اور اپنے حلقے کی عوام لیے خدمات کو ہمیشہ یاد رکھا جائے گا۔ میں دعاگو ہوں کہ اللہ تعالیٰ مرحوم کو جنت الفردوس اور سوگوار خاندان کو صبر جمیل عطا فرمائے۔
سندھی ثقافت ملکی ثقافتی وراثت کا روشن باب ہے،ایاز صادق
فوج کا پرتشدد ہجوم سے کوئی ٹکراؤ نہیں ہوا، وزارت داخلہ
سکیورٹی فورسز کی خیبرپختونخواہ میں کارروائیاں، 8 خارجی دہشتگرد ہلاک
چین کا تائیوان کو ہتھیاروں کی فروخت کی امریکی منظوری پر شدید ردعمل
