لاہور: گورنرپنجاب سردار سلیم حیدر خان کی بنوں کے علاقے خیبر میں خوراج کے خلاف آپریشن کے دوران جام شہادت نوش فرمانے والے کیپٹن زوہیب الدین کے گھر آمد ہوئی-
باغیٹی وی : گورنر پنجاب نے اہل خانہ اظہار تعزیت اور فاتحہ خوانی کی، گورنر پنجاب سلیم حیدر خان نے پارک ویو سوسائیٹی کی مرکزی شاہراہ کو شہید کیپٹن کے نام منسوب کرنے کا اعلان کیا کہا کہ ملک پر اپنی جان نچھاور کرنے والے بہادر جوان قوم کا فخر ہیں،گورنر پنجاب نے ملک و قوم کیلئے جان کا نذرانہ پیش کرنے پر نے شہید کیپٹن کو خراج عقیدت پیش کیا-
گورنر پنجاب نے کہا کہ شہداء کا مقدس لہو رائیگاں نہیں جائے گا،شہداء اور ان کے وارثین پوری قوم کا فخر ہیں، پاک فوج کے ایک بہادر شہید آفیسر کے اہل خانہ سے ملنا میرے لئے اعزاز کی بات ہے شہداء کی قربانیاں ملکی سلامتی کی بنیاد ہیں ، شہداء کے خاندانوں سے ساتھ کھڑے ہیں،سرحدوں پر ملک و قوم کی حفاظت پر کھڑے پاک فوج کے جوانوں کو سلام پیش کرتا ہوں۔
گورنر پنجاب سردار سلیم حیدر ہمارے شہداء کی یاد گاروں کو نقصان پہنچانے والے ملک کے دشمن ہیں، سیاست کی آڑ میں ہماری فورسز کے خلاف نوجوان نسل کو گمراہ کرنا قبول نہیں، پاک فوج ہمارا فخر ہیں، دہشتگردی کی جنگ میں اپنی فورسز کے ساتھ ہیں، شہید کیپٹن زوہیب الدین اور ان کے اہل خانہ کو خراج تحسین پیش کرتا ہوں۔
گورنر سردار سلیم حیدر نے کہا کہ پاک فوج کی تنصیبات، شہداء کی یاد گاروں کی بے حرمتی اور زہر اگلنے والوں کی جتنی مذمت کی جائے کم ہے،ہماری پاک فوج ملک کی خاطر اپنی جان نچھاور کریں اور ہم ان شہداء کی بے حرمتی کریں یہ ممکن نہیں۔
