پاکستان مسلم لیگ (ن) کے رہنما بیرسٹر دانیال چودھری نے فیض حمید پر فرد جرم عائد ہونے پر اپنے ردعمل کا اظہار کرتے ہوئے کہا کہ اس بات سے یہ واضح ہو گیا ہے کہ اب قانون کی عملداری میں مزید شدت آئے گی اور ملک میں انصاف کے عمل کو آگے بڑھایا جائے گا۔
انہوں نے کہا کہ نو مئی کے واقعات میں ملوث افراد کو جب تک سزا نہیں دی جائے گی، اس وقت تک ملک میں سیاسی عمل مکمل طور پر آگے نہیں بڑھ سکتا۔دانیال چودھری کا کہنا تھا کہ نو مئی کو ملک بھر میں فوجی اداروں اور حکومت کے خلاف جو حملے کیے گئے، وہ نہ صرف ملکی سلامتی بلکہ قومی اداروں کی عزت و وقار کے خلاف تھے۔ اس لیے اس معاملے میں کوئی رعایت نہیں برتی جا سکتی۔ انہوں نے کہا کہ فیض حمید سمیت جو بھی افراد اس کارروائی میں ملوث ہیں، ان کے خلاف قانون کے مطابق کارروائی کی جائے گی۔حکومت نے ہمیشہ عدلیہ کی آزادی اور اداروں کی خودمختاری کو ترجیح دی ہے ،کس طرح پارٹی کے لوگ اور عمران خان انوالو رہے، یہ واضح ہو گیا ہے کہ قانونی کاروائی آگے بڑھے گی تب تک مسائل ختم نہیں ہوں گے جب تک نومئی کے ملزمان کو سزائیں نہیں ملتیں
دانیال چودھری کا مزید کہنا تھا کہ پاکستان کی عوام اب تکلیف دہ واقعات سے سیکھ چکی ہے اور وہ چاہتے ہیں کہ ملک میں امن، استحکام اور ترقی ہو۔ اس کے لیے قانون کے تمام تقاضے پورے کرنا ضروری ہیں اور اس میں کسی قسم کی سستی یا نرمی نہیں برتی جائے گی۔
فیض حمید کیخلاف ٹرائل سبوتاژ کرنے کیلیے سول نافرمانی کی کال دی گئی،طلال چودھری
فیض حمید کے خلاف چارج شیٹ جاری ہونا اہم پیشرفت ہے۔مصطفیٰ کمال
فیض حمید کیخلاف چارج شیٹ،عمران کا بچنا ممکن نہیں، فیصل واوڈا
فیض حمیدکیخلاف چارج شیٹ،اصل مجرم عمران اور پی ٹی آئی قیادت
فیض حمید کو چارج شیٹ کر دیا گیا 9 مئی کے الزامات بھی شامل
