بانی پی ٹی آئی کا وطیرہ ہے جس تھالی میں کھاتا اسی میں چھید کرتا ہے،عظمیٰ بخاری

لاہور: وزیر اطلاعات پنجاب عظمٰی بخاری نے کہا ہے کہ مرشد مزے میں ہے جبکہ کوچ اور چیلہ کٹہرے میں ہیں۔

باغی ٹی وی : بانی پی ٹی آئی کا وطیرہ ہے جس تھالی میں کھاتا اسی میں چھید کرتا ہے، کرپشن کرپشن کا راگ الاپنے والے کا اپنا پورا ٹبر چوری اور ڈاکوں میں ملوث نکلا انہوں نے کہا کہ بانی پی ٹی آئی نوازشریف اور مریم نواز کے بغض میں یہاں پہنچے ہیں، مریم نواز پر کوئی کرپشن کا کیس نہیں تھا۔

انہوں نے کہا کہ مریم نواز کبھی پبلک آفس ہولڈر نہیں رہی پھر بھی انکو کوچ اور اسکے چیلے نے انتقامی کارروائیوں کا نشانہ بنایا بشری بی بی قیمتی نکلس چوری کرنے اور 190 ملین پاؤنڈ کے ڈاکے میں ملوث ہے بشری بی بی نے ابھی پنجاب میں کی لوٹ مار کا حساب دینا ہے۔

وزیر اطلاعات نے مزید کہا کہ پانچ سال نوازشریف اور مریم نواز سے رسیدیں مانگنے والے کے پاس اپنی رسیدیں نہیں بشری بی بی پر توشہ خانہ کے تحائف فروخت کرنے کی جعلی رسیدوں کا بھی کیس زیرالتواء ہے۔