میہڑ: تیز رفتار اوورلوڈ ڈاٹسن سے گر کر 5 سالہ بچہ جاں بحق
میہڑ،باغی ٹی وی(نامہ نگارمنظورعلی جوئیہ) تیز رفتار اوورلوڈ ڈاٹسن سے گر کر 5 سالہ بچہ جاں بحق
تفصیل کے مطابق میہڑ کے قریب فریدآباد لنک روڈ پر گاؤں سوجھرو میروانی کے قریب ایک اوورلوڈ اور مسافروں سے بھری تیز رفتار ڈاٹسن سے 5 سالہ بچہ گر کر جاں بحق ہوگیا۔ جاں بحق ہونے والا بچہ گاؤں سومر تیونو کا رہائشی معصوم رضوان مغیری تھا۔
حادثے میں زخمی ہونے والے بچے کو ورثا نے فوری طور پر تحصیل ہسپتال منتقل کیا تاہم زخموں کی تاب نہ لاتے ہوئے رضوان دم توڑ گیا۔ ہسپتال انتظامیہ نے ضروری کارروائی کے بعد نعش کو ورثا کے حوالے کر دیا۔
عینی شاہدین کے مطابق گاڑی کی اوورلوڈنگ اور غیر محفوظ طریقے سے مسافروں کو سوار کرنے کی وجہ سے حادثہ پیش آیا۔ علاقے میں ٹرانسپورٹ کی ناقص صورتحال پر عوام میں شدید غم و غصہ پایا جاتا ہے۔
