میہڑ،باغی ٹی وی(نامہ نگار منظور علی جوئیہ) دریائے سندھ سے 6 نہریں نکالنے کے خلاف سندھ یونائیٹڈ پارٹی کا پیدل مارچ
تفصیل کے مطابق میہڑ میں دریائے سندھ سے 6 نئی نہریں نکالنے کے منصوبے کے خلاف سندھ یونائیٹڈ پارٹی نے سکندر سوڈھر کی قیادت میں پیدل مارچ کیا۔ مارچ کا آغاز میہڑ بائی پاس سے ہوا، جہاں سے مظاہرین 2 کلومیٹر پیدل چل کر مین گھنٹہ گھر چوک پر پہنچے۔
مظاہرین نے سخت نعرے بازی کرتے ہوئے کہا کہ یہ منصوبہ سندھ کو بنجر بنانے کی سازش ہے، جسے سندھ کی عوام کسی صورت قبول نہیں کریں گے۔ انہوں نے حکومت سے مطالبہ کیا کہ فوری طور پر اس منصوبے کو ختم کیا جائے تاکہ سندھ کے آبی وسائل کی حفاظت کی جا سکے۔
