قصور،باغی ٹی وی (ڈسٹرکٹ رپورٹرطارق نویدسندھو) پولیس کانسٹیبل محمد بوٹا رشوت کے الزام میں گرفتار
اینٹی کرپشن نے پولیس کانسٹیبل محمد بوٹا کو رشوت لینے کے الزام میں گرفتار کر لیا۔ تفصیلات کے مطابق، محمد بوٹا پر 436/C کے قتل کیس میں 15 لاکھ روپے رشوت لینے کا الزام تھا۔ ملزم کے خلاف ایف آئی آر نمبر 08/22 مورخہ 16 مارچ 2022 کو درج کی گئی تھی۔
تفتیش کے دوران ملزم قصور وار پایا گیا، اور مجاز اتھارٹی نے 15 فروری 2024 کو عدالتی کارروائی کی منظوری دے دی تھی۔ ڈائریکٹر جنرل اینٹی کرپشن اسٹیبلشمنٹ پنجاب کی ہدایت پر ملزم کی گرفتاری کے لیے کوششیں کی جا رہی تھیں۔
محمد بوٹا کو 13 دسمبر 2024 کو گرفتار کر کے عدالت میں پیش کیا جائے گا، جہاں جسمانی ریمانڈ کی استدعا کی جائے گی۔ ریمانڈ حاصل کرنے کے بعد ملزم کے قبضے سے رشوت کی رقم برآمد کی جائے گی۔
