برطانوی نوجوان کو دبئی میں چھٹیوں کے دوران رومانوی تعلق پر گرفتار کر لیا گیا.
برطانوی میڈیا کے مطابق ایک برطانوی نوجوان، مارکس فاکانا، کو دبئی میں نابالغ لڑکی کے ساتھ جنسی تعلق کے الزام میں ایک سال قید کی سزا سنا دی گئی، حالانکہ اسے ریپ کے الزام سے بری کر دیا گیا تھا۔مارکس کا کہنا ہے کہ اس کا 17 سالہ لڑکی کے ساتھ دبئی کے ہلٹن پام جمیرا ہوٹل میں تعلق قائم ہوا، لیکن لڑکی کی والدہ نے اس کے سامان میں برتھ کنٹرول گولیاں ملنے پر حکام کو رپورٹ کیا۔پولیس رپورٹ میں ابتدائی طور پر عربی میں "زبردستی ریپ” کا ذکر تھا، لیکن ہوٹل کے سی سی ٹی وی فوٹیج نے ثابت کیا کہ لڑکی اپنی مرضی سے مارکس کے کمرے میں گئی تھی۔دبئی کے قوانین کے مطابق، چونکہ لڑکی کی عمر 18 سال سے کم تھی، مارکس کو نابالغ کے ساتھ تعلق رکھنے کا مجرم قرار دیا گیا۔یہ واقعہ اگست کے آخر میں اس وقت پیش آیا جب لڑکی کی والدہ نے دبئی میں چھٹیاں گزارنے کے بعد برطانوی سفارت خانے کو شکایت درج کرائی۔ سفارت خانے نے معاملہ دبئی کے حکام کو بھیج دیا، جس کے بعد مارکس کو گرفتار کیا گیا۔مارکس نے عدالت میں بتایا کہ تعلق دونوں کی رضامندی سے ہوا تھا اور کسی قسم کی زبردستی شامل نہیں تھی۔ عدالت نے کیس کے دوران لڑکی کے والدین کو شامل نہیں کیا کیونکہ وہ ملک چھوڑ چکے تھے۔مارکس اس وقت ضمانت پر ہیں لیکن دبئی چھوڑنے کی اجازت نہیں اور ہر ماہ رہائش پر تقریباً 2,000 پاؤنڈ خرچ کر رہے ہیں۔
وزیر اعظم کی انڈونیشیا کے صدرے ملاقات،
روس نےکینسر ویکسین بنالی، شہریوں کو مفت دینےکا اعلان
ڈالر مزید سستا ، اسٹاک مارکیٹ میں مندی
