لاہور کی احتساب عدالت نے ترقیاتی منصوبے میں مبینہ کک بیکس لینے کے ریفرنس میں سابق وزیراعلیٰ پنجاب چوہدری پرویز الٰہی کے علاوہ دیگر ملزمان پر فرد جرم عائد کر دی ہے
احتساب عدالت میں سماعت کے دوران عدالت نے پرویز الٰہی کے علاوہ موجود دیگر ملزمان پر کک بیکس کے الزامات کے تحت فرد جرم عائد کی۔ تاہم، چوہدری پرویز الٰہی عدالت میں بیماری کی وجہ سے پیش نہ ہو سکے۔ عدالت نے پرویز الٰہی کو 7 جنوری 2024 کو فرد جرم عائد کرنے کے لیے دوبارہ طلب کر لیا۔احتساب عدالت کے جج نے فرد جرم عائد کرتے ہوئے کہا کہ اس کیس میں شریک تمام ملزمان پر جرم ثابت ہونے کی صورت میں سخت کارروائی کی جائے گی۔ملزمان میں سابق پرنسپل سیکرٹری پنجاب اسمبلی محمد خان بھٹی، آصف محمود راٹھور، محمد اصغر، نعیم اقبال، خالد محمد چھٹہ اور اسد علی شامل ہیں، جن پر بھی فرد جرم عائد کی گئی۔ عدالت نے ان تمام ملزمان کو 7 جنوری کو دوبارہ پیش ہونے کا حکم دیا۔
یاد رہے کہ یہ ریفرنس نیب کی جانب سے دائر کیا گیا تھا، جس میں الزام عائد کیا گیا ہے کہ ملزمان نے مختلف ترقیاتی منصوبوں میں مبینہ طور پر کک بیکس حاصل کیے اور قومی خزانے کو نقصان پہنچایا۔ احتساب عدالت نے کیس کی مزید سماعت 7 جنوری 2024 تک ملتوی کر دی۔
خالد سومرو قتل کیس،فیصلہ آ گیا،ملزمان کو عمر قید کی سزا
کرم میں قیام امن اولین ترجیح ،محسن نقوی اور گنڈا پور ملاقات میں اتفاق
