گوجرہ،باغی ٹی وی (نامہ نگار عبد الرحمن جٹ) مرکزی جمعیت اہلحدیث تحصیل گوجرہ کے نومنتخب عہدیداران کے اعزاز میں تقریب کا انعقاد کیا گیا، جس میں مقررین نے دیانتداری اور دین اسلام کی سربلندی کے لیے اپنی زندگیاں وقف کرنے کی تلقین کی۔
تقریب سے مولانا عبدالقادر عثمان، حافظ محمد اسلم جٹ، میاں محمد افضل اور محمد ریاض چوہدری نے خطاب کرتے ہوئے کہا کہ جو کام دیانتداری اور ایمانداری کے ساتھ کیا جائے، اللہ تعالیٰ اس میں برکت ڈال دیتا ہے۔ انہوں نے کہا کہ ہمارا مقصد اللہ کی رضا حاصل کرنا اور دین کی خدمت کرنا ہونا چاہیے۔
تقریب میں رکن مجلس شوریٰ حاجی محمد ارشد رندھاوا، حافظ محمد عمر رندھاوا، محمد طیب رندھاوا، مولانا محمد شریف گجر، مولانا نیاز الہی گورسی، چوہدری خالد بھٹہ، حافظ محمد عمران شاکر اور حکیم قاری عبدالرؤف ساجد بھی شریک ہوئے۔
مقررین نے حج و عمرہ کی سہولت کے حوالے سے ٹریول ایجنسیوں کو مناسب منافع لینے کی تلقین کرتے ہوئے کہا کہ اس سے نہ صرف حاجیوں کو آسانی ہوگی بلکہ اللہ کی رضا بھی حاصل ہوگی۔
تقریب کے آخر میں مولانا عبدالقادر عثمان نے ملکی سلامتی اور کاروبار میں برکت کے لیے دعا کرائی۔
