گوجرہ:عمرہ کی سعادت حاصل کرنے والے زائرین کا شاندار استقبال
گوجرہ، باغی ٹی وی (نامہ نگار عبدالرحمن جٹ)عمرہ کی سعادت حاصل کرنے والے زائرین کا شاندار استقبال
مولانا علامہ عبدالعلی غزالی اور مولانا قاری عباس قادری جو عمرہ زائرین کے گروپ انچارج تھے، عمرہ کی سعادت حاصل کرنے کے بعد پاکستان واپس پہنچے۔ ملتان ایئرپورٹ پر مینجنگ ڈائریکٹر عامر بٹ (مکہ مدینہ ٹریولز اینڈ ٹولز) نے ان کے عزیز و اقارب اور دوستوں کے ہمراہ ان کا پرتپاک استقبال کیا۔
پھولوں کی پتیاں نچھاور کی گئیں اور زائرین کو دعاؤں کے ساتھ خوش آمدید کہا گیا۔ جب یہ قافلہ گوجرہ دفتر مکہ مدینہ ٹریولز اینڈ ٹولز (جھنگ روڈ، نزد رحمٰن رینٹ اے کار) پہنچا تو وہاں بھی اسی جوش و خروش کے ساتھ ان کا استقبال کیا گیا۔ گلدستے پیش کیے گئے اور نیک تمناؤں کے ساتھ زائرین کو ان کے گھروں کے لیے رخصت کیا گیا۔
