میرپورماتھیلو،باغی ٹی وی (نامہ نگارمشتاق علی لغاری) ایس ایس پی گھوٹکی ڈاکٹر سمیع اللہ سومرو کی ہدایات پر تھانہ خانپور مھر پولیس نے شاندار کارروائی کرتے ہوئے چوری شدہ 15 ہزار روپے نقدی، سگریٹ، چائے اور ٹافیوں کے پیکٹ برآمد کر کے قانونی کارروائی کے بعد اصل مالک ونود کمار کے حوالے کر دیے۔
یاد رہے کہ چند روز قبل نامعلوم چور ونود کمار کی دکان سے مذکورہ سامان چوری کر کے فرار ہو گئے تھے، جس کی اطلاع مالک نے تھانہ خانپور مھر میں درج کرائی تھی۔
پولیس کی بروقت کارروائی سے نہ صرف چوری شدہ سامان برآمد ہوا بلکہ مالک نے ایس ایس پی گھوٹکی اور پولیس ٹیم کی کارکردگی کو بھی سراہا۔ ایس ایس پی ڈاکٹر سمیع اللہ سومرو نے پولیس پارٹی کے لیے تعریفی پیغام جاری کرتے ہوئے ان کی محنت کو سراہا۔
