گوجرہ،باغی ٹی وی (نامہ نگار،عبدالرحمن جٹ) موٹر سائیکل حادثہ، ایک نوجوان جاں بحق، دو زخمی
تفصیل کے مطابق صدر گوجرہ کے علاقے مونگی روڈ پر دو موٹر سائیکلوں کے تصادم میں ایک نوجوان جاں بحق جبکہ دو افراد شدید زخمی ہوگئے۔
حادثہ اس وقت پیش آیا جب چک نمبر 154 گ ب کے رہائشی طلحہ عمران، شرجیل اور عاطف علی موٹر سائیکل پر شہر سے گاؤں جا رہے تھے کہ مخالف سمت سے آنے والی موٹر سائیکل سے ٹکر ہوگئی۔ حادثے کے نتیجے میں تینوں شدید زخمی ہو گئے۔
ریسکیو 1122 کے اہلکاروں نے زخمیوں کو فوری طور پر تحصیل ہیڈ کوارٹرز ہسپتال منتقل کیا، جہاں طلحہ زخموں کی تاب نہ لاتے ہوئے جاں بحق ہو گیا۔ دیگر زخمیوں کو طبی امداد فراہم کی جا رہی ہے۔
تھانہ صدر پولیس نے متوفی کی نعش تحویل میں لے کر ضروری قانونی کارروائی کے بعد ورثاء کے حوالے کر دی اور حادثے کی تحقیقات کا آغاز کر دیا ہے۔
