ڈیرہ غازیخان،باغی ٹی وی(سٹی رپورٹرجواد اکبر) ریسکیو1122نے 24گھنٹوں میں 279 زندگیاں بچائیں
تفصیلات کے ریسکیو 1122 ڈیرہ غازی خان نے گزشتہ 24 گھنٹوں کے دوران 279 ایمرجنسیز میں فوری کارروائی کرتے ہوئے قیمتی جانوں کو محفوظ بنایا۔ مجموعی طور پر 830 کالز موصول ہوئیں، جن میں سے 26 روڈ ٹریفک حادثات، 228 طبی ایمرجنسیز، 2 آتشزدگی کے واقعات، 5 جرائم سے متعلق کیسز، 16 دیگر نوعیت کی ایمرجنسیز اور 2 گرنے کے واقعات شامل تھے۔ ہر موقع پر ریسکیو ٹیم نے فوری رسپانس دیتے ہوئے متاثرین کو بروقت امداد فراہم کی۔
ضلعی ایمرجنسی آفیسر احمد کمال نے اس موقع پر کہا کہ ریسکیو 1122 ڈیرہ غازی خان ایک پیشہ ور ایمرجنسی سروس ہے جو ہر قسم کی ایمرجنسیز میں مدد فراہم کر رہی ہے۔ انہوں نے عوام سے درخواست کی کہ بلا ضرورت 1122 پر کالز نہ کریں، فیک کالز سے گریز کریں اور ایمبولینس کو راستہ دیں تاکہ حقیقی ضرورت مندوں کی فوری مدد ممکن ہو سکے۔
ریسکیو 1122 کے بانی ڈاکٹر رضوان نصیر کے وژن کے مطابق ادارہ نہ صرف ایمرجنسی خدمات فراہم کر رہا ہے بلکہ عوام میں آگاہی پیدا کرنے اور ایک محفوظ معاشرے کے قیام کے لیے بھی سرگرم عمل ہے۔ معمولی یا غیر اہم مسائل کے لیے ایمبولینس سروس کا استعمال نہ کریں تاکہ حقیقی ایمرجنسیز میں تاخیر سے بچا جا سکے۔ ضلعی ایمرجنسی آفیسر نے عوام سے ادارے کے عملے کے ساتھ تعاون کی اپیل کی اور کہا کہ یہ عمل کسی کی زندگی بچانے میں اہم کردار ادا کر سکتا ہے۔
ریسکیو 1122 ڈیرہ غازی خان کا عملہ دن رات عوامی خدمت کے جذبے کے ساتھ اپنے فرائض انجام دے رہا ہے اور مزید بہتر کارکردگی کے لیے عوام کے تعاون کا طلب گار ہے۔
