پاکستان اور بھارت کا سفارتی ذرائع سے ایک دوسرے کی تحویل میں قیدیوں کی فہرستوں کا تبادلہ ہوا ہے۔
ترجمان دفتر خارجہ کا کہنا ہے کہ پاکستان میں قید 266 بھارتی قیدیوں (49 سویلین اور 217 ماہی گیر) کی فہرست بھارتی ہائی کمیشن کے نمائندے کے حوالے کی گئی ہے۔ترجمان دفتر خارجہ کے مطابق فہرستوں کا بیک وقت تبادلہ 2008 کے قونصلر رسائی کے معاہدے کے تحت ہوا، معاہدے کے تحت دونوں ممالک کو ہر سال یکم جنوری اور یکم جولائی کو ایک دوسرے کی تحویل میں قیدیوں کی فہرستوں کا تبادلہ کرنا ہوتا ہے۔ترجمان نے بتایا کہ بھارت نے اپنی جیلوں میں پاکستانی قیدیوں کی فہرست پاکستانی ہائی کمیشن، نئی دہلی کے افسر کو شیئر کی، فہرست کے مطابق بھارت کی جیلوں میں کل 462 پاکستانی (381 شہری قیدی اور 81 ماہی گیر) موجود ہیں۔پاکستان نے مطالبہ کیا ہے کہ بھارت سزاء پوری کرنے والے 52 شہری اور 56 ماہی گیر پاکستانی قیدیوں کو رہا کر کے وطن بھیجے۔ترجمان دفتر خارجہ نے مزید بتایا کہ بھارت تمام پاکستانیوں کی حفاظت، سلامتی اور بہبود کو یقینی بنائے جو ان کی رہائی اور وطن واپسی کے منتظر ہیں۔ترجمان نے کہا کہ 1965 اور 1971 کی جنگوں کے 38 لاپتہ دفاعی اہلکاروں کو قونصلر رسائی دینے کی درخواست کی گئی ہے۔
اسکیننگ کے بعد واٹس ایپ پر ریورس امیج فیچر کی تیاری
