ڈسکہ،باغی ٹی وی(نامہ نگار ملک عمران) ایم این اے سیدہ نوشین افتخار کی کوششوں سے ستراہ میں نادرا رجسٹریشن سنٹر نے نیشنل بینک کے قریب نئی اور کشادہ جگہ پر خدمات کی فراہمی شروع کر دی۔
سنٹر میں 4 ون ونڈو کاؤنٹرز، ایئر کنڈیشنڈ ویٹنگ ہال اور خصوصی افراد کے لیے خصوصی سہولیات فراہم کی گئی ہیں۔ اب نادرا کی تمام خدمات ایک ہی چھت تلے دستیاب ہیں، جس سے شہریوں کو بہتر سہولت اور آسانی میسر آئے گی۔
علاقے کی سماجی اور سیاسی شخصیات نے ایم این اے سیدہ نوشین افتخار کی اس کارکردگی کو سراہتے ہوئے کہا کہ ان کی کوششوں سے عوام کے لیے سہولتوں میں نمایاں بہتری آئی ہے۔