ڈیلاس: امریکا میں شاپنگ سینٹر میں آتشزدگی کے باعث 500 سے زائد جانور ہلاک ہو گئے۔
باغی ٹی وی: غیر ملکی میڈیا رپورٹس کے مطابق امریکی ریاست ڈیلاس کے ایک شاپنگ سینٹر میں آتشزدگی سے 579 جانور ہلاک ہو گئے جن میں سے زیادہ تر چھوٹے پرندے تھے،تمام جانور دھوئیں کے باعث دم گھٹنے سے مرے۔
ڈیلاس فائر ریسکیو کے ترجمان جیسن ایونز نے ایک بیان میں کہا کہ شمال مغربی ڈیلاس میں پلازہ لیٹینا میں پالتو جانوروں کی دکان میں موجود 579 جانور دھوئیں کے باعث دم گھٹنے سے مر گئے۔
حکومت کا پلاسٹک بیگز کے استعمال پر پابندی پر عمل درآمد سخت کرنے کا فیصلہ
ایونز نے کہا کہ آگ کے شعلے ہرگز جانوروں تک نہیں پہنچے۔ چوزے، ہیمسٹر، دو کتے اور دو بلیاں بھی مر گئیں وسیع پیمانے پر لگنے والی آگ بجھانے کے لیے تقریباً دو گھنٹے لگے اور تقریباً 45 امدادی کارکنان نے کارروائی میں حصہ لیا اگرچہ ڈی ایف آر کے اہلکاروں نے بچاؤ کی کوشش کی لیکن بدقسمتی سے دکان میں موجود تمام جانور دھوئیں کے باعث دم توڑ گئے۔
گلگت بلتستان میں پاک فوج کی جانب فری لانسنگ ہب کا قیام
ایونز نے کہا کہ آگ لگنے سے کوئی شخص زخمی نہیں ہوا بڑے اور ایک منزلہ شاپنگ سینٹر کے ڈھانچے کو شدید نقصان پہنچا جس میں جزوی طور پر منہدم چھت بھی شامل تھی شاپنگ سینٹر میں متعدد چھوٹے کاروبار کیے جاتے ہیں، آتشزدگی کی وجہ کا فوری طور پر تعین نہیں ہو سکا اور اس کی تحقیقات جاری ہیں-
دبئی: گاڑی کی نمبر پلیٹ 55 ملین درہم میں فروخت
شاپنگ سینٹر کے فیس بک پیج پر بیان کیا گیا ہے کہ ایک ایسی جگہ جہاں لوگ کھانے کے لیے جا سکتے ہیں اور ہر طرح کی لاطینی اشیاء اور خدمات حاصل کر سکتے ہیں صفحہ پر ہسپانوی زبان میں ایک پوسٹ میں وہاں کام کرنے والے خاندانوں کے لیے دعاؤں کا کہا گیا۔
بھارتی کوسٹ گارڈ کا ہیلی کاپٹر تباہ،3 افراد ہلاک 2 زخمی
