فلوریڈا: امریکہ کی سب سے بڑی خوبصورتی کے مقابلے مس امریکہ 2025 کا تاج ایبی اسٹاکارڈ نے جیتا۔ ایبی، جو 22 سال کی عمر میں ایوبن یونیورسٹی میں نرسنگ کی طالبہ اور چیئر لیڈر ہیں، نے پچھلے سال جون میں مس الاباما کا اعزاز حاصل کیا تھا اور اس کے بعد اس نے مس امریکہ کا خطاب بھی اپنے نام کر لیا۔
اس مقابلے میں ایبی اسٹاکارڈ نے 51 دیگر امیدواروں کو شکست دی جن میں ہر امریکی ریاست، واشنگٹن ڈی سی اور پورٹو ریکو کے نمائندے شامل تھے۔ اس تقریب کا انعقاد اتوار کو فلوریڈا کے اورلینڈو شہر میں کیا گیا تھا۔مقابلے کی ابتدائی مرحلے میں، تمام امیدواروں نے سونے کے رنگ کے چمکدار مِنی ڈریسز اور سیاہ ساشز میں اسٹیج پر جلوہ دکھایا، جس کے بعد ابتدائی تقریب کے نتائج کی بنیاد پر 11 فائنلسٹس کا انتخاب کیا گیا۔ اس کے بعد فائنلسٹس نے مختلف لائیو سرگرمیوں میں حصہ لیا جن کی ججنگ سابق اولمپک ایتھلیٹ کارل لیوس اور نیٹ فلیکس کے شو "چیئر” کی چیئر لیڈر گابی بٹلر سمیت دیگر مشہور شخصیات نے کی۔
تقریب میں فٹنس کا بھی ایک حصّہ شامل تھا جس میں امیدواروں نے 2023 میں سوئمنگ ویئر کی جگہ ریڈ اینڈ گولڈ ایٹلیزر دو پیس میں واک کی۔ اس کے علاوہ، ٹیلنٹ، ایوننگ ویئر اور انٹرویو راؤنڈز بھی ہوئے۔
ایبی اسٹاکارڈ نے اپنے ٹیلنٹ کے حصّے میں کرسچن موسیقار لارین ڈیگل کی ایک گانا پر معاصر رقص پیش کیا۔ اس کے بعد وہ ایک چمکدار چاندی اور سفید گاؤن میں ایوننگ ویئر کے راؤنڈ میں اسٹیج پر آئیں۔ انٹرویو کے دوران ایبی سے بے روزگاری کے موضوع پر سوال کیا گیا، جس پر انہوں نے کہا کہ:”میں سمجھتی ہوں کہ ہمیں ان افراد کی حوصلہ افزائی کرنی چاہیے کہ وہ ورک فورس کا حصہ بنیں، نئی مہارتیں سیکھیں اور اپنے کام کے شعبوں میں ترقی کریں۔”
ایبی کی حریف، انیٹ ایڈو یوبو جو کہ مس ٹیکساس بننے والی پہلی غیر ملکی نژاد امیدوار ہیں، نے دوسرے نمبر پر آکر رنر اپ کا اعزاز حاصل کیا۔ انیٹ نے اپنی ذاتی تجربات کا ذکر کرتے ہوئے بتایا کہ ان کے والدین امریکہ آئے تھے اور ان کے پاس صرف دو سوٹ کیس، چند سو ڈالر اور ایک چھوٹی لڑکی تھی جو آج وہ خود ہیں۔
ایبی نے اپنی فتح کا کریڈٹ اپنی والدہ اور بہترین دوست کو دیا، جنہوں نے انہیں ہمیشہ اپنی محنت اور حوصلے سے متاثر کیا۔ ایبی نے کہا کہ وہ اپنی دوست کی سیسٹک فائبروسیس کے ساتھ جدوجہد کو بھی اس مقابلے کے ذریعے دنیا کے سامنے لانا چاہتی تھیں، اور اسی لیے ان کی فلاحی تنظیم نے سیسٹک فائبروسیس کے تحقیقی کام کے لیے فنڈز جمع کیے۔
مس امریکہ 2025 کے مقابلے میں کئی اہم تبدیلیاں دیکھنے کو ملی ہیں۔ 2023 میں مس امریکہ نے اپنے عمر کی حد کو 25 سال سے بڑھا کر 28 سال کر دیا تھا۔ دیگر مقابلہ حسن تنظیموں کی طرح مس یونیورس نے بھی عمر کی حد ختم کر دی ہے، جس سے 80 سالہ چائے سون ہوا اور 71 سالہ میریسا ٹیجو جیسے امیدواروں نے مس یونیورس کوریا اور مس ٹیکساس یو ایس اے میں حصہ لیا۔
مس امریکہ تنظیم اس وقت کئی چیلنجز کا سامنا کر رہی ہے۔ حال ہی میں نیو یارک کی ایک ماں نے مس امریکہ اور مس ورلڈ تنظیموں کے خلاف ایک مقدمہ دائر کیا تھا، جس میں ان تنظیموں کے قوانین کو چیلنج کیا گیا تھا جو ماؤں کو مقابلے سے باہر کرتے ہیں۔
اسٹار لنک سروس کی یونائیٹڈ ایئر لائنز کی پروازوں میں موسم بہار تک لانچ متوقع
کے پاپ، سفید رنگت، پتلے جسم اور نسوانی خصوصیات کو اہمیت
