گوجرانوالہ،باغی ٹی وی (نامہ نگارمحمدرمضان نوشاہی) تھانہ اروپ کے علاقے میں 80 لاکھ مالیت کا ڈاکہ، شہری زخمی
گوجرانوالہ کے تھانہ اروپ کے علاقے میں چار ڈاکوؤں نے ایک گھر پر دھاوا بول کر 80 لاکھ سے زائد مالیت کا سونا اور نقدی لوٹ لی۔ پولیس کے مطابق اسد نامی شہری کے گھر میں اہل خانہ کو یرغمال بنا کر لوٹ مار کی گئی۔
واردات کے دوران شور سن کر آنے والے ہمسایوں پر ڈاکوؤں نے فائرنگ کر دی، جس سے زاہد نامی شہری شدید زخمی ہو گیا۔ پولیس نے بتایا کہ واردات کی سی سی ٹی وی فوٹیج حاصل کر لی گئی ہےاور مقدمہ درج کر لیا گیا ہے۔ حکام کا کہنا ہے کہ جلد ہی ملزمان کو گرفتار کر لیا جائے گا۔
