میہڑ,باغی ٹی وی (نامہ نگار منظورعلی جوئیہ) پولیس کارروائی میں 6 چوری شدہ موٹرسائیکلیں برآمد، ملزمان گرفتار
بی سیکشن تھانے کی حدود میں گاؤں حاصل کھوسو کے رہائشی واجد کھوسو سے مسلح ڈاکو موٹرسائیکل چھین کر فرار ہوگئے۔ متاثرین نے ڈاکوؤں کا پیچھا کیا اور اے سیکشن تھانے کی حدود میں واقع حسنین ٹاؤن میں ملزمان کے گھر پہنچ گئے۔
اطلاع ملنے پر ون فائیو انچارج فقیر محمد برھمانی اور ہیڈ محرر مرتضیٰ جانوری فوری طور پر جائے وقوعہ پر پہنچے اور اضافی نفری طلب کرلی۔ کارروائی کے دوران ملزمان کی تلاشی لی گئی، جس میں چوری اور ڈکیتی میں چھینی گئی 6 موٹرسائیکلیں برآمد ہوئیں۔ پولیس نے ملزمان کو گرفتار کرکے مزید تفتیش شروع کردی ہے۔
