اسلام آباد: وفاقی تحقیقاتی ادارے (ایف آئی اے) نے پنجاب کے شہر ملتان اور گجرات میں کارروائی کرتے ہوئے انسانی سمگلنگ میں ملوث 5 ملزمان کو گرفتار کرلیا۔
باغی ٹی وی :ترجمان ایف آئی اے کے مطابق ملتان میں ایف آئی اے نے انسانی سمگلنگ اور ویزا فراڈ میں ملوث 3 اشتہاریوں کو گرفتار کرلیا، ملزمان شہریوں سے بھاری رقوم وصول کر کے روپوش ہوگئے تھے۔
علاوہ ازیں گجرات میں بھی ایف آئی اے نے انسانی سمگلنگ میں ملوث ’لینڈ روٹ ایجنٹ‘ سمیت 2 ملزمان کوگرفتار کرلیا، زیر حراست ایک ملزم شہریوں کو غیر قانونی سرحد پار کرانے میں ملوث ہے جبکہ دوسرے ملزم نے شہری سے اٹلی بھجوانے کے نام پر لاکھوں روپے ہتھیائے تھے۔
پیپلز پارٹی 3 نسلوں سے کراچی کی ترقی میں کردا ر ادا کر رہی ہے،بلاول بھٹو
ایف آئی اے حکام کے مطابق 3 روز قبل وفاقی تحقیقاتی ایجنسی (ایف آئی اے) نے خیبر پختونخوا کے ضلع ہری پور میں کارروائی کرتے ہوئے انسانی سمگلنگ میں ملوث افغانی شہری کو گرفتار کیا تھا گرفتار افغانی شہری کے موبائل فون سے انسانی سمگلنگ اور یونان کشتی حادثے سے متعلق اہم شواہد بھی ملے۔
خواجہ آصف اور مریم نواز کی کوشش ہے کہ مذاکرات کو ناکام بنایا جائے، اسد قیصر
واضح رہے کہ یونان اور لیبیا میں کشتی حادثوں کے نتیجے میں غیر قانونی طور پر یورپ جانے والے متعدد پاکستانی جاں بحق ہوگئے تھے، اس کے بعد وزیر اعظم نے ایف آئی اے کو سخت کارروائی کا حکم دیا تھا، جس کے بعد سے درجنوں انسانی سمگلرز گرفتار کئے جاچکے ہیں،ایف آئی اے نے کارروائی کے دوران اپنے محکمہ کے افسران اور سرکاری عہدیداروں کے خلاف بھی ایکشن لیا ہے۔
