ایک 27 سالہ خواجہ سرا خاتون نے سرجری کے ذریعے چھ پسلیاں نکال کر ان کو تاج میں تبدیل کرنے کا اعلان کر کے انٹرنیٹ پر سب کو حیرت میں ڈال دیا۔
نیو یارک پوسٹ کی رپورٹ کے مطابق، ایمیلی جیمز، جو امریکی شہر کنساس سٹی سے تعلق رکھتی ہیں، نے اپنی کمر کو پتلا کرنے کے لئے 17 ہزار ڈالر خرچ کرکے اپنی پسلیاں نکالنے کی سرجری کروائی۔ایمیلی جیمز نے کہا، "میرے پاس جو پسلیاں نکالی گئی ہیں، میں ان سے ایک تاج بنوانا چاہتی ہوں۔” انہوں نے مزید کہا، "انہوں نے مجھے پسلیاں رکھنے کی اجازت دی تھی اور شروع میں میں انہیں اپنی بہترین دوست کو تحفہ دینے کا سوچ رہی تھی۔”
اس وقت، ایمیلی سرجری کے بعد صحت یاب ہو رہی ہیں۔ انہوں نے بتایا کہ انہیں سوجن کے لیے ہمیشہ ایک کورسیٹ پہننا پڑتا ہے، مگر انہوں نے اعتراف کیا کہ ان کا درد 10 میں سے صرف 2 فیصد رہ گیا ہے، جو کہ ان کے ڈاکٹروں اور نرسوں کی مدد سے ممکن ہوا۔
ایمیلی جیمز ایک مشہور سوشل میڈیا انفلوئنسر اور خود کو "سیکس تھراپسٹ” کہنے والی خواجہ سرا،خاتون ہیں، جنہوں نے اپنی پسلیوں کے نکالنے کی سرجری کے سفر کو سوشل میڈیا پر کھل کر دستاویزی شکل دی۔ سرجری سے چند دن پہلے انہوں نے ایک ویڈیو شیئر کرتے ہوئے کہا تھا، "تین دن بعد، میں ہر طرف سے اپنی پسلیاں نکالوں گی۔” مذاق کرتے ہوئے انہوں نے کہا، "میں ایمیلی باربی کیو کرنے والی ہوں۔” اس کے بعد، انہوں نے اپنی سرجری اور صحت یابی کے عمل سے متعلق مزید اپ ڈیٹس شیئر کیں۔
میرا گوشت لذیذ ہوگا، لیکن میں اپنی ہڈیاں نہیں کھاؤں گی،ایمیلی جیمز ن
ایمیلی جیمز نے اس دوران بتایا کہ انہوں نے صرف جمالیاتی مقاصد کے لیے پسلیاں نکالنے کا فیصلہ کیا تھا اور انہوں نے ان نکالی گئی پسلیوں کو رکھنے کی اجازت دی تھی۔ ان کے فالوورز نے کمنٹس میں مختلف تجاویز دیں، جن میں ان پسلیوں کو چیو ٹوائے بنانے یا شوربہ بنانے کے لیے اُبالنے کی تجویز بھی شامل تھی۔ ایک صارف نے یہاں تک پوچھا کہ "گوشت” کا ذائقہ کیسا ہوگا؟ اس پر ایمیلی نے جواب دیا، "ذاتی طور پر، میں سمجھتی ہوں کہ میرا گوشت لذیذ ہوگا، لیکن میں اپنی ہڈیاں نہیں کھاؤں گی۔” انہوں نے مزید کہا، "انسانی گوشت کھانے سے مختلف قسم کے مہلک امراض ہو سکتے ہیں، اس لیے میں کینیبلیزم کا حصہ نہیں بنوں گی۔”
آخرکار، ایمیلی نے انکشاف کیا، "میرے منصوبے کے مطابق، میں ان پسلیوں سے ایک تاج بنوانا چاہتی ہوں۔” اگرچہ بہت سے لوگوں نے ان کے فیصلے کا مذاق اُڑایا، ایمیلی نے کہا کہ وہ ان منفی رائے دینے والوں کو نظرانداز کر رہی ہیں۔ انہوں نے وضاحت کی، "میری پسلیاں نکالنے سے یہ نہیں بدلتا کہ میں ایک محبت کرنے والی ٹرانس لڑکی ہوں۔” مزید کہا، "مجھے پتا ہے کہ کچھ ماؤں کے پاس (برازیلین بٹ لفٹس) ہوتے ہیں، تو یہ اس سے مختلف کیسے ہے؟” انہوں نے آخر میں کہا، "یہ میرا پیسہ، میرا جسم ہے اور میں اس کے ساتھ جو چاہوں کروں گی۔
کوئی ریلیف نہیں چاہیے ،تمام کیسزکا سامنا کروں گا ،عمران خان
سیف علی خان پر حملہ،مشتبہ شخص گرفتار
