ملتان ٹیسٹ میں پاکستان کی پوری ٹیم پہلی اننگ میں 230 رنز بنا کر آؤٹ ہو گئی،ویسٹ انڈیز کے 91 اسکورز پر 9 کھلاڑی آؤٹ ہو گئے-
باغی ٹی وی: ملتان ٹیسٹ میں پاکستان اور ویسٹ انڈیز کے درمیان دوسرے دن کے کھیل کا آغاز پاکستان نے چار وکٹوں کے نقصان پر 143 رنز سے کیاچار کھلاڑیوں کے آؤٹ کے ہونے کے بعد سعود شکیل اور محمد رضوان نے بیٹنگ کو سہارا دیا، پاکستان کی پانچویں وکٹ سعود شکیل کی گری، انہوں نے 84 رنز بنائے۔
197 کے اسکور پر سلمان آغا بھی دو رنز بنا کر بولڈ ہو گئے، 200 کے مجموعی اسکور پر پاکستان کی ساتویں وکٹ نعمان علی کی گری، وہ رن آؤٹ ہوئے، محمد رضوان بھی 71 رنز بنا کر ایل بھی ڈبلیو آؤٹ ہو گئے۔پاکستان کا اسکور 225 پر پہنچا تو خرم شہزاد سات رنز بنا کر کیچ آؤٹ ہو گئے۔
کراچی میں کرونا نے پھر سر اٹھا لیا
پاکستان کی آخری وکٹ ساجد خان کی 230 کے اسکور پر گری، انہوں نے 18 رنز بنائے، ابرار احمد بغیر کوئی رنز بنائے ناٹ آئوٹ رہے۔
ویسٹ انڈیز کے جیڈن سیلز اور جومیل وریکین نے تین تین ، کیون سنکلیئر نے 2 اور گداکیش موتی نے ایک کھلاڑی کوآؤٹ کیا۔
پاکستان کی طرح ویسٹ انڈیز بھی آغاز میں ہی مشکلات کا شکار ہے، ساجد خان کی شاندار باؤلنگ کی وجہ سے ویسٹ انڈیز کے پہلے چار کھلاڑی 22 رنز کے مجموعی اسکور پر ہی پویلین لوٹ گئے۔
بھارتی کرکٹ بورڈ نے نئے کوچ کا تقرر کردیا
ساجد خان نے میکائیل لوئس کو ایک رنز، کیاسی کارٹی کو صفر،کریک براتھویٹ کو 11 اور کیون ہوج کو 4 رنز پر آئوٹ کیا۔ویسٹ انڈیز کا مجموعی اسکور 34 ہوا تو نعمان علی نے ان کا پانچواں کھلاڑی بھی پویلین بھیج دیا۔
42 کے مجموعی اسکور پر نعمان علی نے چھٹا کھلاڑی بھی آئوٹ کر دیا، ویسٹ انڈیز کا اسکور 51 ہوا تو نعمان علی نے ساتواں کھلاڑی بھی آؤٹ کر دیا ویسٹ انڈیز کی آٹھویں وکٹ بھی نعمان علی نے لی، ویسٹ انڈیز کے ن نویں کھلاڑی کو بھی نعمان علی نے آؤٹ کیا، گداکیش موتی 19 رنز بنا سکے۔
ویسٹ انڈیز کی آخری وکٹ ابرار احمد کے حصے میں آئی انہوں نے جیڈن سیلز کو 22 رنز پر آئوٹ کیا، اس طرح ویسٹ انڈیز کی پوری ٹیم 137 رنز پر آئوٹ ہو گئی، پاکستان کو پہلی اننگز پر 93 رنز کی برتری حاصل ہو گئی ہے۔
بلوچستان اور شمالی علاقہ جات میں آندھی، شدید بارش و برفباری، سفر میں رکاوٹ کا خدشہ
واضح رہے کہ ملتان ٹیسٹ کے پہلے روز کے اختتام پر پاکستان نے ویسٹ انڈیز کے خلاف4 وکٹوں کے نقصان پر 143 رنز بنائے تھے۔
