کراچی میں ڈسکو بیکری سے لے کر موتی موڑ تک شدید ٹریفک جام نے شہریوں کی زندگی مشکل بنا دی ہے۔
باغی ٹی وی کے مطابق گلشن پل کے اوپر بھی سینکڑوں گاڑیاں پھنس گئی ہیں اور بڑی تعداد میں شہری نصف گھنٹے سے زائد وقت سے اس پیچیدہ صورتحال میں محصور ہیں۔ٹریفک پولیس کے اہلکاروں کا کنٹرول کے لیے کوئی نمائندہ نظر نہیں آ رہا، جس کی وجہ سے گاڑیوں کی قطاریں موچی موڑ سے لے کر ڈسکو بیکری تک پھیل چکی ہیں۔اس ٹریفک جام میں ایمبولینسز بھی پھنسی ہوئی ہیں، جو کہ ہنگامی صورتحال میں طبی امداد فراہم کرنے میں مشکلات کا سامنا کر رہی ہیں۔شہریوں نے بدانتظامی سے بچنے کے لیے گاڑیوں اور موٹر سائیکلوں کو غلط سمت میں چلانا شروع کر دیا ہے، جس سے مزید مسائل پیدا ہو رہے ہیں۔ اس کے علاوہ، لوگ ٹریفک جام سے بچنے کے لیے گلیوں کے اندر داخل ہونے لگے ہیں، جس سے علاقے میں مزید افراتفری پھیل رہی ہے۔
صدر مملکت سے 38 ویں ایئر وار کورس کے شرکاء کی ملاقات
سندھ ہائیکورٹ میں ایڈیشنل ججز کیلئے 12 ناموں کی منظوری
