تل ابیب: آج پیر کے روز بے گھر فلسطینیوں کی غزہ پٹی کے شمالی علاقوں کی طرف واپسی کے آغاز کے ساتھ ہی اسرائیل کی جانب سے دھمکانے کا نیا سلسلہ شروع ہو گیا ہے۔
باغی ٹی وی: اسرائیلی وزیر دفاع یسرائیل کاتز نے نے خبردار کیا ہے کہ تل ابیب 7 اکتوبر 2023 سے پہلے والی حالت میں واپسی کی اجازت نہیں دے گا اسرائیلی وزارت دفاع غزہ پٹی کے شمال اور جنوب میں فائر بندی پر سختی سے عمل درآمد جاری رکھے گی،جو کوئی بھی اسرائیلی فوج کے لیے خطرہ بنے گا اسے بھاری قیمت چکانا پڑے گی۔
دوسری جانب حماس کا کہنا ہے کہ بے گھر افراد کی ان کے گھروں کو واپسی ایک بار پھر یہ ثابت کرتی ہے کہ قابض طاقت (اسرائیل) اپنے دشمنانہ مقاصد کے تحت فلسطینیوں کی جبری ہجرت اور ان کے اٹل ارادے توڑنے میں ناکام ہو چکی ہے بے گھر ہونے پر مجبور کر دیئے جانے والے لوگوں کی اپنے گھروں کی تباہی کے باوجود بڑی تعداد میں واپسی کے مناظر، یہ فلسطینیوں کی اپنی سرزمین میں مضبوط جڑوں کی تصدیق کرتے ہیں-
سائنسدان زمین سے 62,000 میل دور گونجتی پرندوں کی چہچہاہٹ سن کر حیران
حماس نے اپیل کی ہے کہ غزہ پٹی کے تمام علاقوں میں امدادی سامان پہنچائے جانے کا عمل تیز کر دیا جائے۔
واضح رہے کہ جنگ بندی معاہدے کے تحت اسرائیلی فوج نتزارم راہداری سے پیچھے ہٹ گئی ہے جس کے بعد جبری بے دخل کیے گئے فلسطینیوں کی شمالی غزہ واپسی شروع ہو گئی۔
عرب میڈیا کے مطابق لاکھوں فلسطینی شمالی غزہ واپس لوٹ رہے ہیں ، شارع الرشید پر واپس جانے والے افراد کی طویل قطاریں لگ گئیں،اسرائیلی فوج کا کہنا ہے کہ شمالی غزہ جانے والے نتزارم روڈ کوکھول دیا گیا ہے، فلسطینیوں کو پیدل شمالی غزہ میں اپنے گھروں کو جانے کی اجازت ہے جبکہ گاڑیوں کو تلاشی کے بعد صلاح الدین شاہراہ سے شمال کی طرف جانے کی اجازت ہو گی،سرائیلی فوج نے نتساریم کے علاقے سے انخلا شروع کر دیا یہ علاقہ غزہ کی پٹی کو دو حصوں میں تقسیم کرتا ہے۔
آزاد کشمیر کا نوجوان غلطی سے لائن آف کنٹرول عبور کرگیا
واضح رہے کہ معاہدے کے تحت بے گھر فلسطینیوں کی شمالی غزہ واپسی کا عمل ہفتے کے دن شروع ہونا تھا مگر ہفتے کو اسرائیلی فوج نے فلسطینیوں کو شمالی غزہ جانے سے روک دیا تھا،اسرائیل نے گذشتہ دو روز کے دوران فلسطینیوں کے گزرنے کے لیے یہ راہداری کھولنے سے انکار کر دیا تھا اسرائیل کا موقف تھا کہ پہلے حماس تنظیم اسرائیلی خاتون قیدی اربیل یہود کو رہا کرے۔
راکھی ساونت پاکستان پہنچ گئیں؟
ابھی تک یہ نہیں معلوم کہ غزہ پٹی کے شمالی علاقوں میں واپس جانے والے بے گھر فلسطینی اپنے گھروں کے ملبوں پر کس طرح رہیں گے۔ بالخصوص جب کہ اقوام متحدہ کے اندازے کے مطابق غزہ کی پٹی کے شمال میں 80 فیصد عمارتیں تباہ ہو چکی ہیں۔
طلاق یافتہ والدین کے بچے کونسی خطرناک بیماری کا شکار ہو سکتے ہیں؟
