بولی وڈ کے معروف اداکار سیف علی خان چاقو سے حملے کے بعد پہلی بار سخت سیکیورٹی میں اپنے گھر سے باہر نکلے ہیں۔
بھارتی میڈیا کی رپورٹس کے مطابق، سیف علی خان کی حالت میں بہتری آ چکی ہے اور کرینہ کپور اپنے شوہر کی مکمل دیکھ بھال کر رہی ہیں۔ دونوں کی ایک 26 جنوری کو جاری کی گئی، جس میں سیف علی خان کو اپنے گھر سے باہر آتے ہوئے سخت سیکیورٹی کے حصار میں دیکھا گیا۔ یہ سیف کا حملے کے بعد پہلا پبلک اپیئرنس تھا۔
16 جنوری کو پیش آنے والے اس حملے کے حوالے سے سیف علی خان نے 23 جنوری کو پولیس کے سامنے بیان ریکارڈ کروایا۔ اداکار نے اپنے بیان میں بتایا کہ 16 جنوری کی رات وہ اور کرینہ اپنے 11 ویں منزل پر واقع اپارٹمنٹ کے بیڈروم میں موجود تھے، جب اچانک ان کے چھوٹے بیٹے جہانگیر کی آیا کی چیخ سنائی دی۔ سیف علی خان اور کرینہ فوراً اپنے بیٹے کے کمرے میں پہنچے، جہاں حملہ آور پہلے ہی موجود تھا۔ یہاں کی صورت حال انتہائی خوفناک تھی، بیٹے کی آیا خوف کے مارے چیخ رہی تھی اور چھوٹا بیٹا جہانگیر رو رہا تھا۔
یہ واقعہ اس وقت پیش آیا جب حملہ آور نے گھر میں گھس کر بیٹے کی آیا پر حملہ کیا تھا، تاہم سیف علی خان اور کرینہ کپور کی فوری کارروائی کے باعث کوئی سنگین نقصان نہیں ہوا۔اس واقعے کے بعد سے سیف علی خان اور کرینہ کپور کی سیکیورٹی کو مزید بڑھا دیا گیا ہے، اور دونوں کی حفاظت کو یقینی بنانے کے لیے مزید اقدامات کیے گئے ہیں۔
مہاکمبھ میلے کی مونا لیزا کو بالی ووڈ سے بڑی آفر مل گئی
پاکستان کوسٹ گارڈز کی بلوچستان میں کارروائی،1832کلوگوام اعلی کوالٹی کی چرس برآمد
